U Francyi 17 kastryčnika prajšli pratesty suprać rostu koštu žyćcia i prablem u sistemie adukacyi. Akcyi adbylisia ŭ Paryžy, Marsieli, Lijonie, Renie i inšych haradach. Jany supravadžalisia sutyčkami z palicyjaj, sprobami pierakryć darohi i zatrymańniami ŭdzielnikaŭ, piša Euronews.
Pavodle źviestak palicyi, u Paryžy zatrymali nie mienš za 61 čałavieka. Ź ich 21 čałavieka zatrymali paśla akcyi kala štab-kvatery telekanała CNews, jaki ŭvachodzić u miedyjakancern Viensana Balore, viadomaha pravakansiervatyŭnymi pohladami. Kala sta demanstrantaŭ kidali roznyja pradmiety ŭ vokny budynka.
Jašče 40 čałaviek zatrymali za našeńnie achoŭnaha ryštunku abo pradmietaŭ, jakija palicyja rascaniła jak zabaronienuju zbroju. U niekatorych rajonach francuzskaj stalicy praviadzieńnie demanstracyj zabaranili.
U Marsieli hrupa pratestoŭcaŭ na peŭny čas uvarvałasia ŭ budynak meryi, prałamaŭšy ŭvachodnyja dźviery mietaličnymi aharodžami. Palicyja vycieśniła ich z budynka. Tamsama pravaachoŭniki spynili sprobu natoŭpu zabłakavać vulicu, a niekatoryja demanstranty sprabavali atakavać palicejski ŭčastak.
U Renie i Lijonie ŭdzielniki akcyj taksama sprabavali pierakryvać ruch transpartu.
Pa ŭsioj krainie było zajaŭlena kala 1500 roznych demanstracyj. Palicyja čakała, što ŭ Paryžy i vakolicach u ich voźmuć udzieł kala 40 tysiač čałaviek, a ŭ astatnich rehijonach — jašče prykładna 150 tysiač.
Pratesty vyklikanyja nie tolki padaražańniem žyćcia, ale i płanami skaracić vydatki na adukacyju. Ź siaredziny vieraśnia francuzskija školniki patrabujuć pavialičyć kolkaść nastaŭnikaŭ, pamienšyć napaŭnialnaść kłasaŭ i palepšyć umovy navučańnia.
Napiaredadni prezident Francyi Emanuel Makron zaklikaŭ udzielnikaŭ akcyj da strymanaści. Jon padkreśliŭ, što prava na pratest nie pavinna supravadžacca hvałtam i biesparadkami.
Kamientary
Abjektyŭnaja pryčyna - rost niejeŭrapiejskaha nasielnictva, asabliva siarod moładzi, jakija majuć 0 adaptacyju da normaŭ i kultury krainy-recypijenta.
I heta nia tolki nie vyklikaje zakłapočanaść uład, a naadvarot - paŭsiul śviatkujecca jak pieramoha multykulturalizmu.
Anijakich inšych abjektyŭnych pryčyn nie isnuje.
Adsiul i spalenyja cerkvy i škoły, i vandalizm na vulicach, i rabavańnie kramaŭ, i abślutna dzikunskija złačynstvy, jakich tut nie bačyli 2-3 pakaleńni. Bo ŭsie prybyšy - "viečnyja achviary", a ŭsie miascovyja - viečna pavinny raspłačyvacca za mifičnyja hrachi rasizmu i kałanijalizmu 200-hadovaj daŭniny. Navat u cichim Luksiemburhu, i krainach što pajeli realnaha impieryjalizmu jak Finlandyja ci Polšča ź Litvoju.
Amierykanščyna niejkaja: jany tam tak žyvuć, addali harady na źniščeńnie dzikunam, a sami žyvuć pa vioskach navokał, pažadana z achovaj i varotami. I nam taho žadajuć.
A nakont Pucina... dyk samyja lavackija "prapaleścinskija" krainy jak Irłandyja i Hispanija handlujuć z Pucinym prama zaraz, i padymajuć verchał, kali im na heta ŭkazvajuć. I Hiermanija, i Francyja, i Bielhija nie admaŭlajucca biez anijakich "prapucinskich" "ultra-pravych". Tamu heta ŭsio adhavorki i palityčnaja prapahanda.
Patreba ŭ biaśpiecy - bazavaja patreba čałavieka.
Le Pen ci AfD, heta miakki libieralny vybar: "bumiery", jakija bajacca za svaje piensii i darahuju nieruchomaść, pad jakuju jany mohuć zajmać hrošy, hatovyja ŭtapić budučyniu krainy i ŭsiaho ES aby mieć mahčymać chadzić na tancy i padarožničać pa 2-3 razy na hod. Tamu by niejak miakieńka tam niešta źmianić, ale jaje pakazvaje praktyka - ničoha pryncypova nie źmianiajecca, ni ŭ Italii, ni ŭ Hrecyi, ni ŭ Šviecyi.
Zdarovaje bolš maładoje hramadstva musiła b padtrymać taho, chto naviadzie paradak na vulicach haradoŭ u 48 hadzin. Jak adzin artyleryst u svoj čas.