Śviet

Kanstytucyjny sud Hruzii słuchaje spravu ab impičmiencie prezidentu Zurabišvili

Kanstytucyjny sud Hruzii pačaŭ pieršyja ŭ historyi krainy słuchańni pa spravie ab impičmiencie prezidenta. Kiroŭnaja partyja nastojvaje na adstaŭcy Sałame Zurabišvili i abvinavačvaje jaje ŭ tym, što jana parušyła asnoŭny zakon krainy, kali adpraviłasia ŭ zamiežnyja vizity biez dazvołu ŭrada, piša Bi-bi-si.

Sałame Zurabišvili. Fota: Mzia Saganelidze / «Radyjo Svaboda»

Zajavu deputataŭ ab mahčymym parušeńni Kanstytucyi prezidentam padajuć čatyry členy parłamienta, u tym liku i staršynia kiroŭnaj partyi Iraklij Kabachidze.

Sama prezident na pasiadžeńnie suda, jakoje prachodzić u Batumi, nie pajechała.

U «Hruzinskaj mary» ličać, što pajezdki Zurabišvili parušali 52-ty artykuł Kanstytucyi Hruzii, pavodle jakoha prezident viadzie pieramovy i vykonvaje pradstaŭničyja paŭnamoctvy ŭ zamiežnapalityčnych adnosinach sa zhody kabinieta.

Metaj vizitaŭ u jeŭrapiejskija krainy i sustreč ź jeŭrapiejskimi lidarami prezident nazyvaje jeŭrapiejskuju intehracyju Hruzii i atrymańnie Hruzijaj statusu kandydata ŭ ES. Zajavy jeŭrapiejskich lidaraŭ, ź jakimi sustrakałasia Zurabišvili, heta paćviardžajuć.

Ale ŭ kiroŭnaj partyi kažuć pra advarotnaje. «Hruzinskaja mara» abvinavačvaje prezidenta ŭ sabatažy nacyjanalnych intaresaŭ krainy i pieraškodzie atrymańniu statusu kandydata ŭ ES, jaki Hruzija, u adroźnieńnie ad Małdovy i Ukrainy, nie atrymała letam minułaha hoda.

Rašeńnie nakont atrymańnia Hruzijaj statusu čakajecca da kanca hetaha hoda. Da hetaha svaju acenku i rekamiendacyi pavinna pradstavić Jeŭrapiejskaja kamisija.

Udar pa jeŭraintehracyi?

Zvarot u Kanstytucyjny sud z patrabavańniem abviaścić impičmient prezidentu za parušeńnie Kanstytucyi padpisali 80 deputataŭ.

Kali sud pahodzicca i dakaža, što prezident sapraŭdy parušyła Kanstytucyju, praces pieramieścicca ŭ parłamient. U hetym vypadku na praciahu dvuch tydniaŭ paśla sudovaha zaklučeńnia pavinna prajści hałasavańnie pa pytańni ab adchileńni Zurabišvili ad pasady.

Ale ŭ tym, što impičmient budzie daviedzieny da kanca, sumniavajucca navat sami inicyjatary pracesu, bo dla hetaha treba nie mienš za dźvie traciny hałasoŭ poŭnaha składu parłamienta (heta značyć, padtrymka impičmientu z boku pa mienšaj miery 100 deputataŭ). U parłamienckaj bolšaści ciapier tolki 84 deputaty.

Bolšaja častka apazicyjanieraŭ, u tym liku deputaty samaj bujnoj apazicyjnaj partyi «Adziny nacyjanalny ruch», abiacajuć prahałasavać suprać adchileńnia ad pasady Zurabišvili abo zusim nie ŭdzielničać u hałasavańni. U apazicyi ŭpeŭnienyja, što zapusk impičmientu napiaredadni pastanovy ab nadańni Hruzii statusu kandydata ŭ Jeŭrapiejski Sajuz — nie vypadkovaść.

«Heta sabataž jeŭrapiejskaha kursu Hruzii, heta sabataž — asabliva ŭ momant, kali my čakajem statusu kandydata, i našy mižnarodnyja partniory sočać za kožnym krokam hruzinskich uładaŭ. Nijakaj pravavoj padstavy dla pačatku impičmientu prezidenta nie isnuje», — zajaviła napiaredadni słuchańniaŭ u Kanstytucyjnym sudzie deputatka najbujniejšaj apazicyjnaj partyi «Adziny nacyjanalny ruch» Ana Cytlidze.

Z tym, što razhlad impičmientu moža pieraškodzić jeŭrapiejskaj intehracyi Hruzii, zhadžajucca i ŭ hramadzianskim siektary. Tut nahadvajuć, što, zhodna z Kanstytucyjaj Hruzii, jak prezident, tak i ŭrad abaviazany prymać usie miery dla intehracyi krainy ŭ ES.

«Vyklikaje tryvohu toje, što ŭrad nie tolki ihnaruje hety abaviazak, ale i pieraškadžaje prezidentu Hruzii — kanstytucyjnamu orhanu — realizavać histaryčny vybar našaha naroda. Pieraškoda jeŭrapiejskaj intehracyi jakraz i ŭjaŭlaje saboj parušeńnie Kanstytucyi», — havorycca ŭ sumiesnaj zajavie, jakuju raspaŭsiudzili adzinaccać niaŭradavych arhanizacyj z nahody pastanovy kiroŭnaj partyi pačać praceduru impičmientu Zurabišvili.

Jak pakazvajuć apytańni, absalutnaja bolšaść nasielnictva Hruzii vystupaje za budučyniu krainy ŭ NATA i ES.

Kamientary

Ciapier čytajuć

Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ3

Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ

Usie naviny →
Usie naviny

U Minsku zakryłasia viadomaja pielmiennaja2

Tramp paabiacaŭ, što nie źbirajecca bałatavacca na treci termin8

Pasažyry samalota ŭpali ŭ bałota z alihatarami i praviali tam dva dni. Jak jany vyžyli?1

Pad Mahilovam znosiać niedabudavany chram, jaki abaraniali rasijskija čarnasociency11

Na Mazyrskim naftapierapracoŭčym zavodzie prajšli zatrymańni siarod kiraŭnictva3

Paŭdniovy ŭschod Biełarusi nakryvaje mocnaja bura2

Bambardzira-krakadziła i baleryna-kapučyna — adkul heta?3

Što sa školnaj ježy dzieciam padabajecca?1

Ministr Markaŭ zajaviŭ, što da 2020 hoda jany ciarpieli niezaležnyja miedyja, a ciapier nadzvyčaj patrebna cenzura25

bolš čytanych navin
bolš łajkanych navin

Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ3

Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić