«Zialonaja pałosačka vyhladaje šerym cieniem na fonie vializnaha bčb-serca». U Bondaravaj źjaviŭsia novy abjekt nianaviści, jak zaŭždy niečakany
Sumnaviadomaja danosčyca Volha Bondarava nie moža spynicca i praciahvaje šukać prajavy nienavisnaj joj biełaruskaj nacyjanalnaj simvoliki ŭ samych niečakanych rečach. Pasilnuju dapamohu joj akazvajuć pamočnicy, i nie tolki ź Biełarusi.
Tak, niejkaja maskoŭskaja «kaleha» niekalki dzion tamu prysłała Bondaravaj z Maskvy fota biełaruskaha aŭtobusa, na jakim pry najaŭnaści vialikaha žadańnia i vielmi bahataj fantazii možna ŭhledzieć bieł-čyrvona-biełaje sardečka.
Bondarava sama piša, što navat niekatoryja padpisčyki jaje kanała, treba dumać, z «pravilnymi» pohladami, pisali joj u pryvat, što pretenzii vysmaktanyja z palca, pakolki sardečka na borcie aŭtobusa vidavočna vykananaje ŭ kolerach łukašenkaŭskaj čyrvona-zialonaj simvoliki.
Ale danosčycy heta tolki nadaje impetu:
«Ja paprasiła svaju rasijskuju kalehu źniać aŭtobus z Mahilova zdalok. Hladzim, što atrymałasia, na videa. Zialonaja pałosačka vyhladaje šerym cieniem na fonie vializnaha bčb-serca. Heta jašče transpart staić, pryparkavany la ŭzbočyny. A ŭjavicie sabie hetuju «pryhažość» u ruchu — što budzie?»
U suviazi z hetym Bondarava zaklikaje dyrektara Mahiloŭskaha aŭtaparku zafarbavać vyjavu na borcie aŭtobusa.
Apošnim časam biespadstaŭnyja «najezdy» Volhi Bondaravaj na ŭsio, što traplaje ŭ jaje pole zroku, vyklikajuć razdražnieńnie navat siarod prychilnikaŭ režymu Łukašenki, jakija ŭ pryncypie sami nie suprać represij suprać apanientaŭ režymu, ale ličać, što daviadzieńnie situacyi da poŭnaha absurdu hetaj spravie tolki škodzić. Niekatoryja, jak aktyvistka «Biełaj Rusi» z Hrodna Śviatłana Varanica, vystupajuć z krytykaj Bondaravaj i jaje adnadumcaŭ navat publična.
«Niervy słužbovych asob nie humovyja». Častka praŭładnych błohieraŭ nie ŭchvalaje pastajannyja danosy
Łukašysty spračajucca, jak być z «pieraabutymi» błohierami — mierkavańni padzialilisia
«Nie chaču, kab maja kraina stanaviłasia azaronkaŭščynaj». Ideołah z «Biełaj Rusi» vystupiła ź niečakanym pryznańniem
Kiraŭnica hrodzienskaj «Biełaj Rusi» patroliła Bondaravu
Kiraŭnik «Biełaj Rusi» prakamientavaŭ kanflikt pamiž Azaronkam i Varanicaj
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary