U Łatvii biełaruskaha biznesoŭca, jakomu dapamahli paśla 2020 hoda, padazrajuć u abychodzie sankcyj
Na akcyi kampanii Ihara Miadźviedzia nakładzieny aryšt.
Słužba dziaržaŭnaj biaśpieki (SDB) padazraje ŭ mahčymym parušeńni sankcyj biełaruskaha biznesoŭca ŭ Łatvii, jaki pryjechaŭ siudy pry padtrymcy Łatvijskaha ahienctva inviestycyj i raźvićcia (LIAA) paśla pratestaŭ u 2020 hodzie, piša Delfi.lv.
Zaraz nakładzieny aryšt na akcyi kampanii Ihara Miadźviedzia, kab u vypadku nieabchodnaści ich možna było kanfiskavać u budučyni. U LIAA zajaŭlajuć, što kampanii biełaruskaha pradprymalnika była akazanaja tolki minimalnaja padtrymka, a kantaktaŭ ź joj nie było ŭžo hod.
Firma Ihara Miadźviedzia Sia Nordwoc zarehistravanaja ŭ Staroj Ryzie, dzie maje ahulnuju paštovuju skryniu ź dziasiatkami inšych kampanij. Niama nijakich prykmiet taho, što kampanija ciapier viadzie svaju dziejnaść — ź joj niemahčyma źviazacca, a sajt nie pracuje ŭžo niekalki tydniaŭ. U rehistry pradpryjemstvaŭ možna daviedacca, što ŭsie doli kapitału sia Nordwoc aryštavanyja słužbaj dziaržbiaśpieki.
Słužba dziaržaŭnaj biaśpieki prymianiaje aryšt da dolaŭ kapitału vielmi redka. U vypadku z SIA Nordwoc heta było zroblena ŭ lipieni 2023-ha. U SDB nijakich kamientaroŭ z hetaj nahody nie dajuć.
Žurnalistam stała viadoma, što ŭładalnik kampanii Miadźviedź padazrajecca ŭ parušeńni sankcyj, ustanoŭlenych Jeŭrasajuzam, i ŭ niezakonnym pieramiaščeńni tavaraŭ stratehičnaha značeńnia praź miažu Łatvii, što ździajśniałasia ŭ vialikaj kolkaści i ŭ hrupie pa papiaredniaj zmovie.
U łatvijskim ahienctvie inviestycyj i raźvićcia (LIAA) zajavili, što firmie Norwdoc była pradastaŭlena padatkovaja źnižka ŭ pamiery bolš za 20 tysiač jeŭra pa prahramie padtrymki startapaŭ. Ale kampanija nie vykanała patrabavańni zakona i tamu ŭ vyniku nie atrymała padtrymku.
A ŭ listapadzie minułaha hoda dziaržava prykładna za 8000 jeŭra apłaciła firmie SIA Norwdoc mahčymaść raźmiaścić rekłamu na vystavie Smart City Expo ŭ Barsiełonie.
Taksama niama źviestak pra pačatak kryminalnaha pracesu.
Ciapier čytajuć
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu4
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary