Kab zaścierahčy siabie i blizkich ad zachvorvańnia vostrymi reśpiratornymi infiekcyjami, hrypam ci kavidam, miedyki rajać svoječasova zrabić pryščepku.
Pra hatoŭnaść ustanoŭ achovy zdaroŭja horada da pracy ŭ pieryjad siezonnaha ŭzdymu zachvorvańnia raskazaŭ staršynia kamiteta pa achovie zdaroŭja Minharvykankama Ihar Jurkievič, pieradaje BiełTA.
Pa jaho słovach, usie arhanizacyi achovy zdaroŭja stalicy hatovyja da akazańnia miedycynskaj dapamohi va ŭmovach siezonnaha ŭzdymu zachvorvańnia na vostryja reśpiratornyja infiekcyi, u tym liku infiekcyjaj COVID-19 i hrypam.
«U vypadku epidemii terminy pieraprafilizacyi stacyjanaraŭ horada nie pieravysiać 3-5 sutak. Na hety momant u stacyjanarach užo razhornuta amal 10 tys. łožkaŭ dla darosłaha nasielnictva, jakoje chvareje na VRI, i krychu mienš za 2 tys. łožkaŭ dla dziaciej, ź ich reanimacyjnych 424 dla darosłych i 81 dla dziaciej», — udakładniŭ staršynia kamiteta pa achovie zdaroŭja Minharvykankama.
Pryvodziačy danyja stanam na 4 kastryčnika, Ihar Jurkievič raspavioŭ, što dapamoha pacyjentam z karanavirusnaj infiekcyjaj akazvajecca ŭ troch stacyjanarnych ustanovach: darosłaj i dziciačaj infiekcyjnych balnicach, 3-j haradskoj kliničnaj balnicy imia Kłumava, dzie akazvajuć dapamohu ciažarnym žančynam i paradzicham z karanavirusnaj infiekcyjaj.
Na siońnia ŭžo funkcyjanujuć 77 łožkaŭ dla lačeńnia pacyjentaŭ ź infiekcyjaj COVID-19, ź ich piać reanimacyjnych. Za spravazdačny tydzień było zaniata dva aparaty ŠVŁ dla pacyjentaŭ z karanavirusnaj infiekcyjaj.
Ihar Jurkievič źviarnuŭ uvahu, što zaścierahčy siabie i blizkich ad zachvorvańnia VRI možna svoječasova zrabiŭšy pryščepku.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary