Premjer Estonii: Pastaŭkam hazu ŭ krainu i internetu ničoha nie pahražaje. Ale my vielmi surjozna stavimsia dy incydentu
Učora ŭviečary, adrazu paśla viartańnia ź Finlandyi ŭ Estoniju, premjer-ministr Kaja Kałas sklikała naradu, kab abmierkavać incydenty, źviazanyja z hazapravodam Balticconnector i padvodnym kamunikacyjnym kabielem pamiž Estonijaj i Finlandyjaj. Bryfinh praviali Departamient zamiežnaj raźviedki Estonii, centr vajennaj raźviedki i palicyja biaśpieki Estonii, piša Delfi.ee.
Pa słovach premjer-ministra, pastaŭkam hazu ŭ Estoniju abo mižnarodnamu internet-złučeńniu ništo nie pahražaje, ale i Estonija, i Finlandyja vielmi surjozna staviacca da incydentaŭ i robiać usio mahčymaje dla vyśviatleńnia abstavinaŭ. Pastaŭki hazu zabiaśpiečvajucca za košt ułasnych resursaŭ Estonii i praz Łatviju, a niaspraŭnaść padvodnaha kabiela suviazi nie ŭpłyvaje na internet-pasłuhi, dadała premjer-ministr.
«Ja znachodžusia ŭ ciesnym kantakcie z premjer-ministram Finlandyi Pietery Orpa, i siońnia padčas telefonnaj razmovy my abmierkavali dalejšyja kroki. Centralnaja kryminalnaja palicyja Finlandyi pačała śledstva ab mahčymaj dyviersii na hazapravodzie Balticconnector, bo ŭciečka adbyłasia ŭ ekanamičnaj zonie Finlandyi. Estonija taksama raspačała kryminalnaje rasśledavańnie z pryčyny niaspraŭnaści kabiela suviazi», — skazała Kałas.
Abiedźvie krainy prainfarmavali sajuźnikaŭ pa NATA i dziaržavy-siabry Jeŭrapiejskaha Sajuza ab incydentach. U premjer-ministra Kałas adbylisia telefonnyja razmovy z prezidentam Jeŭrapiejskaj kamisii Ursułaj fon der Lajen, kiraŭnikom Jeŭrapiejskaj rady Šarlem Mišelem i hienieralnym sakratarom NATO Jensam Stołtenbierham.
«My abmierkavali nieabchodnaść i mahčymaści ŭzmacnieńnia abarony krytyčna važnaj infrastruktury ŭ Bałtyjskim mory», — paviedamiła premjer-ministr.
Urad abmiarkuje incydent taksama na kabinietnaj naradzie ŭ čaćvier.
Ciapier čytajuć
U Biełarusi aryštavali francuzskaha adstaŭnoha vajskoŭca, jaki zachaplajecca ciahnikami. Užo try miesiacy jon u SIZA1
Kamientary
Ź siemiejnaha biudžeta zakupiać haz na usiu Estoniju mahčyma???