Telegram płanuje istotna pavialičyć kolkaść rekłamy, ubudujuć i novyja płaciežnyja instrumienty
Sa spravazdačy dla inviestaraŭ taksama stała viadoma pra toje, jak jašče źbirajucca manietyzavać miesiendžar.
Niadaŭna klijentam rasijskaj inviestycyjnaj kampanii BKS razasłali prapanovu ad Telegram, u jakoj ahučvajucca płany kampanii. Ź ich vynikaje davoli šmat cikavaha.
Jakija vidy rekłamy i manietyzacyi płanuje zapuścić Telegram?
Pieršaje — heta rekłama ŭ storys. Razhladajecca mahčymaść stvareńnia ŭ storys stužak rekamiendacyj, siarod jakich buduć i rekłamnyja publikacyi, takoje ŭžo jość, da prykładu, u TikTok i Instagram.
Druhoje — heta źmianieńnie formy rekłamy ŭ kanałach. Na adzin rekłamny post budzie pakazvacca dziesiać nierekłamnych, to-bok ahulnaja kolkaść rekłamy ŭ prahramie adčuvalna vyraście. Jak mienavita heta budzie vyhladać, pakul niezrazumieła.
Treci punkt — heta ŭkaranieńnie Premium-padpisak dla kamandaŭ. Płanujecca dadać mahčymaść stvarać karparatyŭnyja papki i prastory, a taksama pavialičyć abjom zahruzki fajłaŭ.
Čaćviorty punkt — heta pašyreńnie bonusaŭ, jakija budzie davać Premium-padpiska. Takim čynam płanujecca, što da troch adsotkaŭ karystalnikaŭ buduć kuplać padpisku, što pryniasie kampanii da dvuch miljardaŭ dalaraŭ štohod.
Piaty punkt — heta manietyzacyja płaciežnaj sistemy, ubudavanaj u prahramu. Ludzi zdolejuć jak płacić praz Telegram niepasredna adno adnamu, hetak i ździajśniać apłatu za roznyja servisy, a Telegram budzie brać sabie kamisiju z płaciažoŭ. Telegram viadzie pieramovy ź indyjskaj fintech-kampanijaj — mienavita ŭ hetaj krainie siervis zapuścicca najpierš.
Jašče adnym punktam nazyvajecca aktyvizacyja prodažu i pieraprodažu imionaŭ karystalnikaŭ na płatformie Fragment. Jana pracuje ŭžo bolš za hod, i samy darahi juziernejm, @news, byŭ pradadzieny za 2,4 miljona dalaraŭ. Usie raźliki tam adbyvajucca praz kryptavalutu TON.
Što jašče stała viadoma pra Telegram?
Daŭhi kampanii siahajuć dvuch miljardaŭ dalaraŭ. Pry hetym rynkavy košt prahramy aceńvajecca ŭ 35 miljardaŭ. Servis całkam naležyć Paŭłu Duravu.
Taksama płanujecca, što praz try hady miesiendžaram buduć karystacca 1,2 miljarda čałaviek.
«Naša Niva» — bastyjon biełaruščyny
PADTRYMAĆMy adšukali ŭ Telegram funkcyju, jakaja moža być niebiaśpiečnaj dla biełarusaŭ. Voś jak zaścierahčy siabie i jak zrabić jaje karysnaj
Jak pačyścić telehram-boty, kab nie zastałosia nijakich śladoŭ VIDEA
Telegram i nie tolki — jak pravilna pačyścić miesiendžary, kab nie trapić pad represii. Padrabiazny hajd
Kamientary