Biełarusy mienš čym za dzień sabrali bolš za €9000 dla asudžanych muzykaŭ Tor Band
Na kožnaha ŭdzielnika hurta płanavali sabrać pa €3000. Hrošy pajduć na pahašeńnie štrafaŭ, pieradačy ŭ kałoniju i na padtrymku siemjaŭ.
Biełarusy mienš čym za dzień sabrali bolš za €9000 dla asudžanych muzykaŭ Tor Band.
U aŭtorak Jaŭhienu Burło pryznačyli vosiem hadoŭ kałonii, Dźmitryju Hałavaču — dzieviać hadoŭ kałonii, a Andreju Jaremčyku — siem z pałovaj hadoŭ kałonii. Usim uzmocnieny režym i jašče pa 100 bazavych vieličyniaŭ štrafu (3700 rubloŭ). Taki prysud vynies sudździa Siarhiej Sałoŭski.
Hurt Tor Band atrymaŭ šyrokuju viadomaść i spadabaŭsia miljonam biełarusaŭ u 2020 hodzie. Klip pieśni «My nie narodziec» na YouTube za niekalki miesiacaŭ nabraŭ bolš za miljon prahladaŭ. Chitami stali i inšyja kampazicyi muzykaŭ: «Žyvie Biełaruś», «Uchodi», «Baćka», «Maci», «Dead Maroz».
Niahledziačy na śmiełyja teksty kampazicyj, Tor Band praciahvali zastavacca ŭ Biełarusi. Muzykaŭ zatrymali ŭ kastryčniku 2022 hoda. U studzieni 2023 hoda stała viadoma, što Tor Band pryznany ekstremisckim farmavańniem, i ŭ dačynieńni da jaho ŭdzielnikaŭ była zaviedzienaja kryminalnaja sprava.
Za čas znachodžańnia ŭ SIZA bubnač Jaŭhien Burło atrymaŭ 3 hrupu invalidnaści. Jon maje patrebu ŭ apieracyi na tazaściehnavym sustavie. U muzykaŭ taksama kanfiskavali techniku i muzyčnyja instrumienty.
Suma zboru: 9000 jeŭra. Na kožnaha ŭdzielnika hurta pa 3000 jeŭra. Hrošy pojduć na pahašeńnie štrafaŭ, pieradačy ŭ kałoniju i na padtrymku siemjaŭ.
Padtrymać muzykaŭ možna pa spasyłcy.
Čytajcie taksama:
Chto taki Siarhiej Sałoŭski — sudździa, što ŭviaźniŭ muzykaŭ z Tor Band
Što treba viedać pra hurt Tor Band — muzykaŭ, jakich pakarali žachlivymi terminami za ich chity
Kamientary