Muzykantam Tor Band vynieśli surovyja prysudy. Jaŭhien Burło padčas abviaščeńnia prysudu nie zmoh ustać
Staŭ viadomy prysud muzykam Tor Band, piša «Homielskaja viasna».
Dźmitryju Hałavaču prysudzili 9 hod uzmocnienaha režymu i 100 bazavych vieličyń štrafu (3700 rubloŭ). Taksama ŭ dachod dziaržavy ŭ mužčyny kanfiskavali noŭtbuk i telefon.
Jaŭhien Burło atrymaŭ 8 hod uzmocnienaha režymu i 3700 rubloŭ štrafu. Taksama ŭ jaho kanfiskavali mabilny telefon.
Andreja Jaremčyka asudzili na 7,5 hoda ŭzmocnienaha režymu i 3700 rubloŭ štrafu. Jaho mabilny telefon taksama pojdzie ŭ dachod dziaržavy.
Jak stała viadoma «Svabodzie», na prysudzie, jaki byŭ adkrytym, byli svajaki muzykaŭ.
«Jany ŭsie płakali padčas prysudu. Adna sa svajačak u čas ahučvańnia prysudu straciła prytomnaść. Jaŭhien Burło byŭ na mylicach, jon ź ciažkaściu pierasoŭvajecca. Jon navat nie ŭstavaŭ padčas abviaščeńnia prysudu — sudździa Siarhiej Sałoŭski jamu dazvoliŭ», — raskazała «Svabodzie» krynica.
Muzykaŭ, čyje pieśni stali simvałam pratestu ŭ 2020 hodzie, abvinavačvali ŭ raspalvańni varožaści, stvareńni ekstremisckaha farmiravańnia abo ŭdziele ŭ im, dyskredytacyi Respubliki Biełaruś, abrazie Łukašenki. Jany byli zatrymanyja ŭ kancy kastryčnika 2022 hoda.
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary