Za «abrazu Łukašenki» dva hady dali minčuku, jaki viarnuŭsia z-za miažy
U sudzie Leninskaha rajona Hrodna 30 kastryčnika byŭ vyniesieny prysud žycharu Minska Viačasłavu Čarnieckamu, jakoha abvinavacili ŭ abrazie Łukašenki pavodle č. 1 art. 368 KK. Spravu razhladała sudździa Natalla Kozieł, piša «Viasna».
Praŭładnyja telehram-kanały paviedamlali, što mužčynu zatrymali naprykancy lipienia ŭ Hrodnie, kali jon letam viartaŭsia z-za miažy ŭ Biełaruś, i što jon nibyta napisaŭ kala 1000 kamientaroŭ u «ekstremisckich» kanałach i čatach.
Pa materyjałach abvinavačańnia, Viačasłaŭ źmiaściŭ kamientary ŭ telehram-kanale «Realnaja Biełaruś».
Jak ustanaviła ekśpiertyza, «u tekście kamientaroŭ majecca niehatyŭnaja acenačnaja moŭnaja adzinka, jakaja maje nienarmatyŭnuju formu maŭlenčaha vykazvańnia na adras Łukašenki i prezidenta Rasijskaj Fiederacyi».
Ciapier čytajuć
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary