«Muśka vielmi pabožnaja». Padčas imšy ŭ mahiloŭskim kaściole prosta pad ałtar zabiehła kotka VIDEA
U mahiloŭskim kaściole Śviatoha Antonija Paduanskaha padčas celebracyi śviatoj Imšy niečakana źjaviłasia kotka. Chatniaja hadavanka zabiehła prosta pad ałtar i sieła pamiž kvietkami. A pad słovy viernikaŭ «Panie, ja nie varty, kab Ty ŭvajšoŭ da mianie…» kotka syšła, piša Katolik.life.
Paśla žyviolinu padchapiła adna z parafijanak i vyniesła jaje z chrama.
U kamientarach da videatranślacyi imšy patłumačyli, što heta kotka, jakaja žyvie ŭ śviataroŭ:
«Jana časta prychodzić, kali dźviery ŭ kaścioł byvajuć adčynienyja. Jana nie škodzić. Tak, zrobić abchod i vyjdzie sama».
Taksama vyśvietliłasia, što kotku zavuć Muśka:
«Muśka vielmi pabožnaja! Amal jak moj Bazik! — pažartavaŭ ksiondz Andrej Kieŭlič. — Amal kožny raz, kali ranicaj molimsia Brevijaryjem u manaskaj kaplicy, jana padpiavaje, i to tak upeŭniena!»
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary