Manachi-kapucyny ŭpieršyniu ŭ historyi stvaryli admysłovuju supolnaść dla słužeńnia biełarusam zamiežža
Try braty buduć žyć razam i pracavać dla biełarusaŭ Vilni i vakolic, paviedamlajecca na staroncy ŭ fejsbuku parafii śviatoha Bartałamieja ŭ Vilni.
Dahetul katalickija słužby ŭ Vilni na nierehularnaj asnovie adbyvalisia z 1997 hoda. Adnak dla hetaha nie było ni struktur, ni śviataroŭ. U 2016-m była stvorana admysłovaja parafija biełarusaŭ Vilni, probaščam jakoj pryznačyli ajca Aryjuša Małyska.
Ale reč u tym, što manach nie moža žyć adzin, a tamu doŭhaterminovy status ajca Aryjuša byŭ niapeŭny. Sioleta manachi kapucyny stvaryli admysłovuju supolnaść bratoŭ, ci, inakš, mini-manastyr. Heta aznačaje, što kapucyny płanujuć zajmacca pracaj ź biełarusami ŭ Vilni ŭ doŭhaterminovaj pierśpiektyvie i inviestavać čałaviečy resurs u heta. A ŭ kaściole śviatoha Bartałamieja źjavilisia novyja dušpastyry — brat Hžehaž Juźviak i brat Maksim Tamkovič.
Stvareńnie admysłovaha mini-manastyra dla słužeńnia biełarusam zamiežža — pieršaje ŭ historyi sučasnaj Biełarusi.
Čytajcie taksama:
U Miry prezientavali faksimilnaje vydańnie Žuchavickaha jevanhiella
Vatykan dazvoliŭ transseksuałam prymać chryščeńnie i być chrosnymi
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary