Supracoŭniki MTZ na navahodnija śviaty buduć adpačyvać jak rasijanie
Rabotnikaŭ Minskaha traktarnaha zavoda čakajuć praciahłyja navahodnija kanikuły. Pra heta paviedamlaje aficyjny telehram-kanał pradpryjemstva.
Vychadnymi dniami na pradpryjemstvie abviaścili pieryjad z 30 śniežnia 2023 hoda da 7 studzienia 2024 hoda ŭklučna. Takim čynam, adpačyvać rabotniki buduć bieź pierapynku dzieviać dzion.
Pry hetym try dni (z 3 da 5 studzienia), jakija ahulnadziaržaŭnym hrafikam vyznačanyja jak pracoŭnyja, na zavodzie pieraniesienyja na suboty ŭ lutym, sakaviku i listapadzie.
Jak rastłumačyŭ pamočnik hiendyrektara MTZ pa pracy i zarobku Siarhiej Taŭstanohaŭ, hrafik składzieny zychodziačy z vytvorčych patreb i z ulikam ciesnaha kaapieracyjnaha supracoŭnictva z Rasijaj, dzie navahodnija kanikuły praciahnucca da 8 studzienia ŭklučna.
Taksama adznačajecca, što i majskija kanikuły buduć u zavadčan krychu bolšymi, čym u cełym u krainie: adpačyvać na MTZ buduć z 9 da 14 maja ŭklučna, a 10 maja budzie adpracoŭvacca 4 maja.
Raniej paviedamlałasia, što na MTZ buduć płacić tym rabotnikam, jakija pryviaduć na zavod novaha supracoŭnika.
Vylecieła ŭ nieviadomym kirunku śpikierka KR Anžalika Mielnikava30
Kamientary