Na piać hadoŭ praciahnuli sanacyju homielskaha pradpryjemstva, jakoje naležyć Šakucinu
Urad dazvoliŭ praciahnuć termin sanacyi pradpryjemstva «Salea-Homiel» da 15 kastryčnika 2028 hoda. Pra heta śviedčyć pastanova, apublikavanaja na Nacyjanalnym pravavym internet-partale.
«Salea-Homiel» znachodzicca ŭ sanacyi z krasavika 2021 hoda. Achoŭny pieryjad na pradpryjemstvie pavinien byŭ zaviaršycca ŭ kastryčniku hetaha hoda.
«Salea-Homiel» — heta były homielski zavod «Hidrapryvad». Pradpryjemstva vypuskaje kantrolna-rehulacyjnuju hidraaparaturu dla traktaroŭ i mabilnaj techniki, ubudavalnyja i modulnyja ahrehaty dla pramysłovaści i sielskaj haspadarki, hidrastatyčnyja tranśmisii dla MTZ, «Homsielmaša», «Amkadora». Anałahaŭ hetaj pradukcyi ŭ Biełarusi niama.
Raniej terminy sanacyi praciahnuli dla kiroŭnaj kampanii chołdynha «Salea» — da 19 kastryčnika 2028-ha.
Hałoŭny ofis «Salea» znachodzicca ŭ Dziaržynsku. Raniej tam byŭ zavod kapitalnaha ramontu dyzielnych ruchavikoŭ — jaho ŭ 2011 hodzie vykupiŭ saŭładalnik chołdynha «Amkador», nabližany da Łukašenki biznesmien Alaksandr Šakucin. U 2013 hodzie jon zarehistravaŭ TAA «Salea».
U sakaviku 2014 hoda na pradpryjemstvie pabyvaŭ Alaksandr Łukašenka. Pa vynikach vizitu było pryniata rašeńnie ab stvareńni hidraŭličnaha chołdynha «Salea». U krasaviku 2014 hoda TAA «Salea» pierajmienavana ŭ TAA «Salea» — kiroŭnaja kampanija chołdynha».
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili10
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2424
Kamientary