Jak u advakataŭ i nataryusaŭ. Ułady chočuć uvieści rehularnuju atestacyju dla ryełtaraŭ
Namieśnik ministra justycyi Mikałaj Staravojtaŭ anansavaŭ zakon, prajekt jakoha zaraz znachodzicca ŭ raspracoŭcy. Adno z mahčymych navin — uviadzieńnie rehularnaj atestacyi dla ryełtaraŭ, piša Realt.
Vystupajučy pierad kiraŭnikami ahienctvaŭ nieruchomaści, Mikałaj Staravojtaŭ adznačyŭ, što na pryniaćci pastanovy Saŭmina № 754 «Ab taryfach na ryełtarskija pasłuhi» praca nad źmienami ŭ praviłach hulni dla ryełtaraŭ nie zakančvajecca.
— Da lipienia 2024 hoda my pavinny raspracavać novy zakonaprajekt ab ryełtarskaj dziejnaści. Adna z prapanoŭ, jakaja, dumaju, budzie padtrymana i inšymi dziaržorhanami — uviadzieńnie instytuta atestacyi. Heta značyć, my pavinny pajści pa takim ža šlachu, jak i nataryjat i advakatura. Tam atestacyja prachodzić kožnyja 5 hod. Dakładna taksama my budziem atestoŭvać i ryełtaraŭ. Jašče pahladzim, tolki ryełtaraŭ, ci ŭsich admysłoŭcaŭ. Robicca heta dziela taho, kab razumieć, chto ŭ nas siońnia pracuje na rynku nieruchomaści. Tut nie pavinna być vypadkovych ludziej, a ŭsie pasłuhi pavinny akazvacca jakasna.
Taksama ŭ zakonaprajekcie buduć prapisany patrabavańni da štatu ryełtarskaj arhanizacyi i pierahledžany patrabavańni da adukacyi ryełtaraŭ (patrabavańni pašyrać).
Akramia hetaha, płanujecca dazvolić ryełtaram atrymlivać infarmacyju ab žyłych pamiaškańniach u sproščanym paradku i zaklučać sa spažyŭcami elektronnyja dahavory.
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary