Žurnalista Aleha Supruniuka pryhavaryli da troch hadoŭ kałonii
Sudzili jaho za ŭdzieł u «ekstremisckim farmiravańni», paviedamlaje BAŽ. Da suda jaho bolš za paŭhoda ŭtrymlivali pad vartaj u SIZA.
Pavodle siabroŭ i znajomych, Aleh Supruniuk pierastaŭ adkazvać na telefanavańni paśla 22 studzienia hetaha hoda.
4 červienia 2025 hoda prakuratura Bresckaj vobłaści paviedamiła, što bresckaha žurnalista buduć sudzić za siabroŭstva ŭ Biełaruskaj asacyjacyi žurnalistaŭ. Pavodle prakuratury, z kastryčnika 2023 pa śniežań 2024 hoda jon napisaŭ nie mienš za 43 žurnalisckija artykuły.
Aleh Supruniuk viadomy žycharam Brestčyny jak reparcior, jaki aśviatlaŭ dla ich sacyjalna i hramadska značnyja prablemy rehijona. Za čas u prafiesii pracavaŭ u haziecie «Briestskij kuŕjer», anłajn-vydańni «Pieršy rehijon», supracoŭničaŭ ź inšymi niezaležnymi vydańniami.
12 śniežnia 2024 hoda siłaviki prychodzili da Aleha Supruniuka ź pieratrusam. Tady ŭ žurnalista zabrali kampjutarnuju techniku i telefon, a jaho samoha pavieźli na dopyt. Paśla dopytu byŭ składzieny administracyjny pratakoł za nibyta raspaŭsiud «ekstremisckaj infarmacyjnaj pradukcyi» (pavodle č. 2 art. 19.11 KaAP). Žurnalista asudzili na 15 sutak aryštu, 27 śniežnia jon vyjšaŭ na volu.
U vieraśni žurnalistu spoŭnicca 58 hadoŭ. Jon maje invalidnaść, i jość pieraściarohi, što za kratami stan zdaroŭja žurnalista možna značna pahoršycca, piša BAŽ.
BAŽ — niezaležnaje prafiesijnaje abjadnańnie žurnalistaŭ. U sakaviku 2023 hoda arhanizacyju pryznali «ekstremisckim farmiravańniem».
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary