13 ź ich vysłali prymusova, jašče 10 źjechali sami. Infarmacyju ad štaba ŭ spravach miažy ŭ Ministerstvie ŭnutranych spraŭ i administracyi Polščy zaŭvažyŭ Reform.
23 čałavieki ź liku zatrymanych na kancercie Maksa Karža pakinuli terytoryju Polščy. 13 ź ich polskija słužby vysłali prymusova.
Danyja 30 zamiežnikaŭ u Polščy ŭklučyli ŭ śpis niepažadanych asob – im zabaroniać ujezd u Šenhienskuju zonu.
53 čałavieki z zatrymanych užo prajšli nieabchodnyja pracedury, a rašeńni pa 10 piersonach pakul nie pryniatyja. Kamiendant pamiežnaj achovy hienierał Robiert Bahan skazaŭ, što heta «tolki pytańnie času, kali buduć pryniatyja miery pa ŭklučeńni ich u śpis niepažadanych asob na terytoryi Respubliki Polšča abo ich pieradačy ŭ krainy pachodžańnia».
U siaredzinie žniŭnia premjer-ministr Polščy Donald Tusk paviedamiŭ, što była pryniataja pastanova ab vysyłcy ŭ dačynieńni da 63 čałaviek: 6 hramadzian Biełarusi i 57 hramadzian Ukrainy.
9 žniŭnia pierad pačatkam kancertu Maksa Karža na Nacyjanalnym stadyjonie ŭ Varšavie častka hledačoŭ pačała saskokvać ź siadziačych miescaŭ na tancpoł. Ich sprabavali spynić rabotniki achovy. Paźniej była pryciahnutaja palicyja, kab nie dapuścić nastupnych incydentaŭ.
Pa vynikach kancertu Varšaŭskaja palicyja paviedamiła, što byli zatrymanyja 109 čałaviek. 50 čałaviek aštrafavana na ahulnuju sumu ŭ 11 450 złotych. Da hetaha na viečarynie prychilnikaŭ Karža ŭ rajonie Vola, jakaja prajšła pierad kancertam, byli zatrymanyja 9 čałaviek. 25 čałaviek aštrafavali.
U Polščy pačali departavać zatrymanych na kancercie Maksa Karža
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie
Šaściarych biełarusaŭ i 57 ukraincaŭ vysyłajuć z Polščy paśla incydentaŭ na kancercie Maksa Karža
Ciapier čytajuć
Siarhiej Cichanoŭski pierabraŭsia žyć u Łos-Andželes66
Kamientary