Zabieśpiačencaŭ «Homsielmaša» adviali na ekskursiju ŭ žanočuju kałoniju «ŭ metach prafiłaktyki»
Supracoŭnikaŭ departamienta zabieśpiačeńnia vytvorčaści AAT «Homsielmaš» zvadzili na ekskursiju ŭ homielskuju žanočuju kałoniju ŭ tak zvany «dzień infarmavańnia». Pres-słužba pradpryjemstva paviedamiła, što mierapryjemstva prajšło «ŭ metach prafiłaktyki karupcyjnych pravaparušeńniaŭ i złačynstvaŭ».
U kałonii zabieśpiačencam pakazali film «pra historyju stvareńnia kałonii», praviali ekskursiju pa terytoryi, zaviali ŭ šviejnuju fabryku, «padčas jakoj homsielmašaŭcy zmahli aznajomicca z umovami ŭtrymańnia asudžanych, umovami ich pracy».
Akramia hetaha, piša pres-słužba, «ekskursanty» «ź pieršych vusnaŭ daviedalisia pra abstaviny i pryčyny znachodžańnia ŭ kałonii asudžanych za złačynstvy, praduhledžanyja art. 430 KK RB (chabar) i art. 211 KK RB (prysvajeńnie abo rastrata majomaści, asobaj, jakoj jana davieranaja)».
Kamientary