Aryšty ŭ kampanii, jakuju ŭznačalvaje brat zasnavalnika JERAM Arkadzia Dobkina
Adbyŭsia rejd siłavikoŭ u bresckuju kampaniju HSKB, jakuju ŭznačalvaje 75-hadovy Siamion Dobkin, brat zasnavalnika JERAMa Arkadzia Dobkina. Ci zatrymany sam Siamion, peŭnaj infarmacyi niama.
Pa infarmacyi «Našaj Nivy», na minułym tydni ŭ kampanii adbylisia aryšty, było zatrymana niekalki čałaviek. Surazmoŭcy kažuć, što čuli ad supracoŭnikaŭ kampanii pra suviaź aryštaŭ načalstva z karupcyjaj.
Ci jość siarod zatrymanych zasnavalnik — niajasna. Dazvanicca da Siamiona Dobkina naŭprost ci źviazacca ź im praz pryjomnuju pakul niemahčyma.
Siamion Dobkin — starejšy brat Arkadzia Dobkina, zasnavalnika JERAMa, jaki ciapier žyvie ŭ ZŠA i nie pryjazdžaje ŭ Biełaruś paśla taho, jak Łukašenka nazvaŭ jaho «drobkinym».
Siamionu Dobkinu 75 hod.
Čytajcie taksama: Biznesmien Siamion Dobkin: Ja praciŭnik intehracyi. I treba administratyŭna ŭkaraniać biełaruskuju movu
Małodšy z bratoŭ, Arkadź, pa słovach supracoŭnikaŭ JERAM, nieadnarazova vykarystoŭvaŭ trochu madyfikavanuju cytatu brata z hetaha intervju pry raspoviedzie kalektyvu pra siabie: «Ja habrej, ja biełarus».
***
Bresckaje HSKB (Hałoŭnaje śpiecyjalizavanaje kanstruktarskaje biuro), pavodle ichniaha sajta, źjaŭlajecca najbujniejšaj ciepłatechničnaj kampanijaj na terytoryi Biełarusi.
Pracuje na ŭnutranym rynku i rynkach SND, vypuskaje vodanahravalnyja i paravyja katły na vadkim i ćviordym palivie, harełki, utylizatary, błočna-modulnyja kacielni i inšaje inžyniernaje abstalavańnia dla žyllova-kamunalnych haspadarak, a taksama budaŭničych arhanizacyj i inšych subjektaŭ sacyjalnaha pryznačeńnia.
Abstalavańnie vytvorčaści HSKB vykarytoŭvajecca na kurorcie «Siličy», Nacyjanalnaj biblijatecy, mahiloŭskim «Transmašy» i mnohich inšych miescach.
«Naša Niva» — bastyjon biełaruščyny
PADTRYMAĆ
Načalnik milicyi Brahina stralaŭ u svaju žonku. Jana cudam vyžyła9
Kamientary
Emihracyja ž na situacyju nijak nie ŭpłyvaje. Znoŭ čakajem cudaŭ i čornych lebiadziej.
Tym ža miejercholdu michojelesu mandielštamuv jernapodannstva džuhašvili ni dapamahło i zdradnictva svaich kolleh