Vydaviectva «Januškievič» vypuściła bijahrafiju Śluńkova i jašče try knihi
Knihi pačnuć pradavać na hetym tydni, paviedamiła vydaviectva ŭ svaich sacsietkach.
«Zaŭtra, 19 śniežnia, zaprašajem u budynak Biełaruskaha moładzievaha chaba ŭ Varšavie na Dažynkovaj, 6A na start prodažaŭ «Bractva piarścionka» Džona R. R. Tołkina, pieršaj knihi kultavaj tryłohii «Vaładar piarścionkaŭ», u novym pierakładzie Ihara Kulikova.
Litaralna paŭhadziny nazad nam paviedamili, što na naš skład pryvieźli nakład šykoŭnaj bijahrafii kiraŭnika BSSR Mikałaja Śluńkova, aŭtarstva historyka i žurnalista Dzianisa Marcinoviča. Heta sapraŭdny ŭzor bijahrafičnaha non-fikšnu, tak treba pisać knihi! Jana čytajecca za adzin prysiest. Nastolki zachaplaje.
Dla litaraturnych hurmanaŭ my padrychtavali vydańnie słavutaha ramana zahadkavaha polskaha piśmieńnika Stanisłava Ihnacy Vitkieviča «Nienasytnaść». Hetaja kniha vyklikaje hałavakružeńnie, nie mieniej.
A dla samych maleńkich my vypuskajem novaje vydańnie pieršaj knihi pra kata Šprota, jakuju napisała Hanna Jankuta. Nie pavierycie, heta byŭ naš pieršy biełaruski biestsieler, i heta adbyvałasia ŭ dalokim i spakojnym 2018 hodzie. I my rychtujem da vydańnia jašče dźvie knihi pra pryhody lehiendarnaha minskaha kata Šprota i jahonych siabroŭ!», — paviedamlaje vydaviectva ŭ svaich sacsietkach.
«Heta vialiki honar». Kniha pra kiraŭnika BSSR Mikałaja Śluńkova vyjdzie ŭ vydaviectvie «Januškievič»
Historyk napisaŭ knihu pra palityka, jaki dapuściŭ u Biełarusi adnu z samych vialikich bied. Jaho rašeńni dahetul upłyvajuć na raźvićcio krainy
«Pra nievynosnyja ŭmovy biesčałaviečnaha hramadstva». Vyjšaŭ pa-biełarusku jašče raman Remarka
Što Babaryka i Kaleśnikava adkazali na pytańni pra vajnu97
Kamientary