Jak akuratna skłaści navahodniuju hirlandu, kab pierad nastupnym Novym hodam było lohka razbłytać
Upryhožanyja ahniami hirlandy ciešać voka ŭsie navahodnija śviaty. Ale nieŭzabavie ich daviadziecca prybrać. Kali šklanyja cacki zvyčajna bieražliva pakujucca ŭ skrynki, to hirlanda aby-jak składvajecca. I praz 11 miesiacaŭ davodzicca tracić šmat času, kab jaje razbłytać, piša dekor.delfi.ee.
Kab takaja situacyja bolš nikoli nie paŭtaryłasia, varta jak śled sabrać hirlandy paśla źniaćcia ź jalinki. Błohier Mikałaj Ljuis padzialiŭsia prostym i ŭ toj ža čas efiektyŭnym sposabam zachoŭvańnia hirlandaŭ, kab jany nie zabłytalisia.
Jak zachoŭvać jołačnyja hirlandy
- Pierš čym prystupić da zborki navahodnich upryhožvańniaŭ, adklučycie ich ad elektrasiłkavańnia, dastańcie viłku z razietki.
- Vaźmicie pustuju kardonnuju ŭpakoŭku z-pad čypsaŭ i zrabicie dva nadrezy ŭ vierchniaj častcy.
- Zamacujecie hirlandu ŭ nadrezach.
- Namotvajcie ahieńčyki na ŭpakoŭku.
- Astatniuju viłku schavajcie ŭnutr upakoŭki.
Zamiest upakoŭki z-pad čypsaŭ možna vykarystoŭvać ŭtułku ad papiarovych ručnikoŭ, falhi abo pierhamientnaj papiery.
Jašče adzin zručny sposab zachoŭvać hirlandu — namatać jaje na viešałku. Pačynajučy z adnaho kanca nitki abmatajcie ahieńčyki vakoł viešałki z abodvuch bakoŭ. Schavajcie kaniec hirlandy pamiž abhornutymi šnurami.
Akramia taho, možna zharnuć hirlandu harmonikam, a doŭhim šnurom ź viłkaj abmatać i zamacavać ahieńčyki.
Vykarystoŭvajučy hetyja niachitryja mietady, možna praduchilić zabłytvańnie hirlandy i abaranić jaje ad paškodžańniaŭ.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary