U Rasii błohier-miljońnik kinuŭ u sumiot dvuchmiesiačnaha syna. Kiraŭnik SK zahadaŭ zavieści kryminalnuju spravu
Rolik jon padpisaŭ słovami «Pieršy palot Lea!»
Kiraŭnik Śledčaha kamiteta Rasii Alaksandr Bastrykin rasparadziŭsia zavieści kryminalnuju spravu suprać błohiera Siarhieja Kasienki (7 młn padpisčykaŭ u instahramie).
7 studzienia apublikavaŭ videa, na jakim u zapavolenaj zdymcy kidaje ŭ hurbu śniehu dvuchmiesiačnaha syna. Rolik jon padpisaŭ słovami «Pieršy palot Lea!»
Chłopčyk u kambiniezonie poŭnaściu źnikaje pad śnieham. Pra jakija-niebudź škodnyja dla zdaroŭja dziciaci nastupstvy infarmacyi nie pastupała, piša Bi-bi-si.
Kasienka zajmajecca biznes-koŭčynham, viadzie błoh ab sposabach zarobku i prapanuje svaje pasłuhi ŭ jakaści «nastaŭnika» (nastavnika).
Prykładna tym ža zajmajecca i maci dziciaci, Saša Bielakova (bolš viadomaja jak Sasha Belair).
Miarkujučy pa ich sacyjalnych sietkach, para žyvie nie ŭ Rasii. Videa, na jakim Kasienka kidaje ŭ śnieh niemaŭla, zapisali na kurorcie Kuršaviel u Francyi, kudy siamja pryjechała na śviaty.
Videa z alpijskaha kurorta vyklikała zaŭvažny rezanans u Rasii, u tym liku, siarod padpisčykaŭ Kasienki.
Błohier, adkazvajučy na paproki i abvinavačvańni ŭ svoj adras, pačaŭ raskazvać, što nibyta kinuŭ u śnieh lalku.
Jamu pavieryli nie ŭsie — naprykład, deputat dziarždumy Nina Astanina 8 studzienia zajaviła, što źbirajecca paskardzicca ŭ Śledčy kamitet.
A ranicaj 9 studzienia stała viadoma, što skandalnaje videa dabrałasia da kiraŭnika SKR Alaksandra Bastrykin. U paviedamleńni viedamstva nie ŭdakładniajecca, pa jakim artykule buduć zavodzić spravu — tolki havorycca, što «pa fakcie ździajśnieńnia im supraćpraŭnych dziejańniaŭ u dačynieńni da novanarodžanaha dziciaci».
Zajmacca rasśledavańniem budzie hałoŭnaje śledčaje ŭpraŭleńnie SKR.
Akramia taho, Bastrykin rasparadziŭsia pravieryć błohiera «na pradmiet padatkovaha zakanadaŭstva».
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary
No on pravda nie błohier, łovko soskočiť nie sumieł.