Rasijski Nižni Noŭharad zatapiła kipieniem paśla praryvu truby. Paciarpieli 16 čałaviek
U vyniku praryvu truby ŭ rajonie vulic Słavianskaja, Studzionaja i Horkaha prajeznuju častku i tratuary zaliło kipieniem. Z-za kamunalnaj avaryi biez aciapleńnia zastalisia 20 šmatkvaternych damoŭ i dva sacyjalna značnyja abjekty.
700-milimietrovaja truba łopnuła ŭ domie na vulicy Studzionaj. U vyniku kamunalnaj avaryi apiakli nohi jak minimum 16 čałaviek, u tym liku dvoje dziaciej. Paciarpiełych dastavili ŭ balnicu z apiokami noh 1-2 stupieniaŭ.
Dniom raniej kipień paliŭsia z tresnutych batarej prosta padčas urokaŭ u licei №40 horada Arła, dzie 15 studzienia adbyłasia avaryja ŭ kacielni. U vyniku pałomki biez aciapleńnia zastalisia dziasiatki žyłych damoŭ.
Parad kamunalnych avaryj, jakija pakinuli bieź ciapła sotni tysiač ludziej ad Padmaskoŭja da Dalokaha Uschodu, idzie ŭ rasijskich rehijonach z pačatku 2024 hoda na fonie mocnych marazoŭ.
Znos sietak kamunalnaj infrastruktury ŭ Rasii, uklučajučy ciepła– i vodazabieśpiačeńnie, a taksama kanalizacyju, da siaredziny 2022 hoda pieravysiŭ 70%.
Pry hetym Uładzimir Pucin zajaŭlaŭ, što rasijskija ŭłady ŭ 2023 hodzie ažyćciavili maštabnyja inviestycyi ŭ infrastrukturu ŽKH. Pavodle jaho słoŭ, z roznych krynic na madernizacyju sistemy było nakiravana 337 miljardaŭ rubloŭ (4 młrd dalaraŭ). U toj ža čas u 2024-2026 hadach finansavańnie ŽKH ź fiederalnaj kazny budzie zrezana bolš čym udvaja, pišuć The Moscow Times.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary