Čystki zakranajuć samyja niečakanyja śfiery.
Naviedniki Muzieja Janki Kupały pamiatajuć, što ekspazicyja skančałasia mahčymaściu pahladzieć pryhoža zroblenuju hałahramu. Žyvy Janka Kupała kuryŭ pierad nami, vietliva machaŭ tabie na raźvitańnie. Heta było miła.
Ale ŭžo kala paŭtara hoda jaje nie ŭklučajuć.
«A dzie ž hałahrama?» Na hetaje pytańnie naviedniku ŭ muziei nie adkazvajuć.
Nie, hałahrama nie chadziła na demanstracyi, nie patrabavała svabodnych vybaraŭ i adnaŭleńnia zakonnaści. Ale dla jaje stvareńnia daŭnym-daŭno źniaŭsia Alaksandr Padabied. Narodny artyst Biełarusi — ciapier jamu 72 hady — razam z kalektyvam Nacyjanalnaha akdemičnaha teatra imia Janki Kupały vyraziŭ svaju pazicyju ŭ 2020 hoda. I za heta papaŭ u čornyja śpisy. Nastolki, što i hałahramu ŭ muziei biełaruskaha kłasika zahadali adklučyć. Choć kaštavała jana niatanna.
Z 2022 hoda kiravać muziejem pastavili Halinu Halinskuju, jakaja da taho pracavała ŭ Muziei Vialikaj Ajčynnaj vajny.
Adzin z naviednikaŭ dazvaniŭsia da jaje spytać pra los hałahramy. Dyrektarka Halina Halinskaja adkazała, što taja pieraroblivajecca, budzie novy kantent. Janka Kupała zastaniecca, ale na novaj viersii hałahramy. Kali jana źjavicca, nieviadoma.
Muzieju sioleta spaŭniajecca 80 hadoŭ.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza5
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary