U Babrujsku mužčyna z nažom napadaŭ na prachožych. Milicyjanty ŭ jaho stralali
Učora kala 21 hadziny ŭ milicyju pastupiła paviedamleńnie ad miascovaj žycharki: mužčyna na vulicy nažom nanosić paškodžańni aŭtamabilam, pahražaje hramadzianam, paviedamlaje MUS. Na vyklik vyjechaŭ narad Babrujskaha adździeła Departamienta achovy.
Mužčyna nie vykonvaŭ patrabavańni supracoŭnikaŭ kinuć nož na ziamlu. Kali jon nakiravaŭsia ŭ bok milicyjantaŭ, tyja zrabili streły ŭ pavietra, a paśla čaho — pa nahach napadnika.
Paśla hetaha mužčyna pasprabavaŭ zarezać siabie — milicyjanty akazali jamu pieršuju dapamohu.
44-hadovy babrujčanin byŭ dastaŭleny va ŭstanovu achovy zdaroŭja.
Za apošnija dva miesiacy heta najmieniej piaty vypadak, kali milicyja stralaje ŭ parušalnikaŭ. Niekatoryja vypadki zakančvajucca hibiellu ludziej.
22 listapada 2023 hoda ŭ vioscy Liski Rečyckaha rajona Homielskaj vobłaści milicyja zastreliła 39-hadovaha mužčynu. Nibyta jon byŭ z palaŭničaj zbrojaj. Pavodle infarmacyi MUS, milicyjanty zrabili papieradžalnyja streły ŭ pavietra, zatym adzin na paražeńnie. Pa darozie ŭ balnicu mužčyna pamior.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary