U Rečyckim rajonie milicyjanty zastrelili niećviarozaha mužčynu sa zbrojaj
Zdareńnie adbyłosia ŭčora ŭ vioscy Liski. Adzin viaskoviec źviarnuŭsia ŭ milicyju: dvoje znajomych stralali sa strelby ŭ bok jaho doma, paviedamlaje pres-słužba MUS
Mužčyna, jaki źviarnuŭsia ŭ milicyju, napiaredadni vypivaŭ u kampanii pryjacielaŭ, zatym pajšoŭ dadomu.
Paśla dvoje sabutelnikaŭ 36 i 39 hadoŭ pryjšli da jaho doma z abvinavačvańniami ŭ kradziažy ałkaholu. Pačałasia svarka, adzin z mužčyn pahražaŭ raspravaj i zrabiŭ streł z palaŭničaj strelby ŭ płot. Pieršy mužčyna adrazu ž patelefanavaŭ u milicyju.
Milicyjaniery nakiravalisia pa adrasach napadnikaŭ. Małodšaha ź fihurantaŭ zatrymali doma. Druhoha z palaŭničaj strelbaj znajšli na adnoj z vulic vioski. «Na nieadnarazovyja patrabavańni pakłaści zbroju na ziamlu viaskoviec nie reahavaŭ i ruchaŭsia sa strelbaj, nakiravanaj u bok milicyjantaŭ i cyvilnych», — piša pres-słužba MUS.
Milicyjanty zrabili papieradžalnyja streły ŭ pavietra, zatym adzin na paražeńnie. Pa darozie ŭ balnicu mužčyna pamior.
Pavodle MUS, ź miesca zdareńnia kanfiskavana palaŭničaja strelba i bolš za dziasiatak patronaŭ da jaje. Mužčynu raniej sudzili za razboj i rabavańnie.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary