У Бабруйску мужчына з нажом нападаў на прахожых. Міліцыянты ў яго стралялі
Учора каля 21 гадзіны ў міліцыю паступіла паведамленне ад мясцовай жыхаркі: мужчына на вуліцы нажом наносіць пашкоджанні аўтамабілям, пагражае грамадзянам, паведамляе МУС. На выклік выехаў нарад Бабруйскага аддзела Дэпартамента аховы.
Мужчына не выконваў патрабаванні супрацоўнікаў кінуць нож на зямлю. Калі ён накіраваўся ў бок міліцыянтаў, тыя зрабілі стрэлы ў паветра, а пасля чаго — па нагах нападніка.
Пасля гэтага мужчына паспрабаваў зарэзаць сябе — міліцыянты аказалі яму першую дапамогу.
44-гадовы бабруйчанін быў дастаўлены ва ўстанову аховы здароўя.
За апошнія два месяцы гэта найменей пяты выпадак, калі міліцыя страляе ў парушальнікаў. Некаторыя выпадкі заканчваюцца гібеллю людзей.
22 лістапада 2023 года ў вёсцы Ліскі Рэчыцкага раёна Гомельскай вобласці міліцыя застрэліла 39-гадовага мужчыну. Нібыта ён быў з паляўнічай зброяй. Паводле інфармацыі МУС, міліцыянты зрабілі папераджальныя стрэлы ў паветра, затым адзін на паражэнне. Па дарозе ў бальніцу мужчына памёр.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары