Śviet88

«U kamiery latali nieviadomyja mnie nasiakomyja». Raskazvajem pra tajskija turmy, dzie siadziać rokiery z «Bi-2»

Hurt «Bi-2» ź biełarusami ŭ składzie mardujecca za kratami ŭ Taiłandzie — krainie, viadomaj svaimi žudasnymi turmami. Da muzykaŭ maje pretenzii tajskaja mihracyjonka, i chutka ich mohuć departavać z krainy. Raskazvajem padrabiaźniej, z čym sutyknulisia rok-lehiendy.

Fota: AP Photo / Sakchai Lalit

Nakolki viadoma, muzyki z «Bi-2» ciapier znachodziacca ŭ adnoj z turmaŭ Banhkoka. Ich trymajuć u adkrytaj kamiery pad piaklivym soncam, tempieratura na vulicy składaje da 35 hradusaŭ, nijakaha cieniu niama. Akramia taho, u kamieru časam padsadžvajuć ruskamoŭnych «pieramoŭcaŭ» — tyja pužajuć muzykaŭ nastupstvami ich spravy i namiakajuć na chabar.

Pa raskazach byłych viaźniaŭ, jakija pabačyli znutry turmy Banhkoka, možna mierkavać, z čym ciapier sutykajucca muzyki. Da prykładu, jość śviedčańnie aktyvista Ranhsimana Romie, jaki znachodziŭsia ŭ turmie Kłonh Prem.

Viaźniam Kłonh Prem nie vydajuć matrasy, zamiest hetaha aryštanty śpiać na tonkich koŭdrach. Charčavańnie tam žudasnaje — tuju ježu jaduć tolki viaźni, jakim nie dapamahajuć z voli ci jakija nie mohuć sami sabie zhatavać ježu. Zbolšaha ŭ toj čas karmili błahim rysam ci kašaj, da jakoj dadavali sup ci inšyja stravy.

Mihracyjnaja turma ŭ Banhkoku. Fota: ucanews.com

Viaźni-ziemlaki abjadnoŭvajucca ŭ śpiecyjalnyja hrupiroŭki — damy. Unutry ich viaźni dzielacca padarunkami i pryhladajuć adzin za adnym, a kali ŭ kahości z doma ŭźniknie kanflikt z čałaviekam ź inšaj hrupiroŭki, na jaho boku vystupić uvieś dom.

Jość u Banhkoku i admysłovaja mihracyjnaja turma, jakuju naviedaŭ u 2010-ch rasijanin Aleh Navasiełaŭ. Voś što jon raskazvaŭ pra toj dośvied: «Ujavicie, sto čałaviek u adnoj bietonnaj skryncy, miesca niama, śpiać usie na padłozie, nijakich łožkaŭ. Padušak taksama niama — vydajuć niejkija anučy, nu i jak chočaš, tak i krucisia, rabi ź ich paścielu.

Kormiać vyklučna rysam. Časam ja bačyŭ ahurki, abo, pamiataju, davali jajka. Vada, jakuju my pili, mieła pach čahości nievierahodna tuchłaha. A što rabić? Treba pić, inšaj nie daduć. U kamiery lotali nieviadomyja mnie nasiakomyja, poŭzali jaščarki. U kamiery śpiakotna, potna».

Sumnaj słavie tajskich turmaŭ užo šmat hadoŭ. U spravazdačy AAN 2019 hoda ich najvialikšaj prablemaj nazvali pierapoŭnienaść — navat pa aficyjnaj statystycy normy pa kolkaści ludziej pieravyšanyja bolš čym udvaja. Jość prablemy z dostupam da miedycyny, viaźni atrymlivajuć mała ježy i pitnaj vady, jakaść praduktaŭ i vady vielmi błahaja. Dadamo da hetaha drennyja sanitarnyja ŭmovy i isnavańnie zakrytych supolnaściej siarod viaźniaŭ, dzie treba žyć pa peŭnych praviłach.

Mihracyjnaja turma ŭ Banhkoku. Fota: ucanews.com

Jość i praktyka turemnych pakarańniaŭ — časam havorka moža iści pra katavańni i admysłova drennaje lekavańnie. Viaźniaŭ prymušajuć ciažka pracavać i dajuć za heta mizernuju ŭznaharodu, niaredka vykarystoŭvajuć kajdanki i anałahičnyja srodki abmiežavańnia ŭ ruchach. Narešcie, viaźniaŭ biespadstaŭna abmiažoŭvajuć u mahčymaści bačycca ź siamjoj ci siabrami i atrymlivać ad ich karespandencyju.

Apošnija hady kolkaść viaźniaŭ u Taiłandzie pavialičvałasia, adpaviedna i paharšalisia turemnyja ŭmovy. Paśla zmovy vajskoŭcaŭ 2014 hoda situacyja stała jašče horš, u dadatak miascovy ŭrad pačaściŭ vykarystańnie vajennych abjektaŭ u jakaści turmaŭ.

Adna z apošnich spravazdač pra tajskija turmy — dakład pravaabarončaj arhanizacyi FIDH za 2022 hod. Ekśpierty adznačajuć, što tamtejšyja viaźni dahetul sutykajucca z žorstkim i biesčałaviečnym abychodžańniem, i ŭmovy ŭtrymańnia ludziej amal nie palapšajucca. Ale ž ułady patrochu sprabujuć dać rady situacyi — naprykład, aficyjna admienienyja kantrakty, pavodle jakich viaźniaŭ pryciahvali da placieńnia rybałoŭnych sietak, z 2019 hoda pavolna źnižajecca ahulnaja kolkaść viaźniaŭ u krainie.

«Naša Niva» — bastyjon biełaruščyny

PADTRYMAĆ

Čytajcie taksama:

Udzielnikaŭ hurta «Bi-2» trymajuć na śpiocy ŭ kamiery pad adkrytym niebam

Hurt «Bi-2» znachodzicca ŭ centry zatrymańnia mihracyjnaj palicyi na Pchukiecie

Udzielnikaŭ «Bi-2» mohuć departavać u krainu vydačy pašparta

Kamientary8

  • Žachi Tajłanda i Indyi
    29.01.2024
    Heta nie nieviadomyja nasiakomyja, a vializarnyja latajučyja błochi, kamary, muchi, i navat tarakany. Asabliva ciažka pryjdziecca nočču, połčyšča kamaroŭ budzie pranikać u hetyja jamy dzie ich trymajuć i kusać niaščadna da kryvi, razam z hetymi błochami i navoznymi muchami roznych vidaŭ, nichto nijakich repielentaŭ nie vydaść, taksama pa padłozie dzie pryjdziecca spać, buduć biehać vializarnyja muraŭi, jakija taksama buduć kusać i pranikać pavuki, paviercie, lepiej tam nie być...
  • Žachi
    29.01.2024
    Žachi Tajłanda i Indyi, nie pieraličyŭ pacukoŭ i skałapiendr... ad skałapiendraŭ vielmi niebiaśpiečnyja i balučyja ukusy, možna kańki adkinuć. Darečy niekatoryja muraŭi taksama majuć kryły i latajuć. A jašče dzikija pčoły i skarpiony
  • Pacan
    29.01.2024
    Słova pacana , chvory, bi2 vystupili suprać rasiejskaj vajny.

Palicyja Dubaja: 20-hadovaja madel z Ukrainy ŭpała z vyšyni na budoŭli17

Palicyja Dubaja: 20-hadovaja madel z Ukrainy ŭpała z vyšyni na budoŭli

Usie naviny →
Usie naviny

Tramp skasoŭvaje pravavy status 530 tysiač kubincaŭ, haicianaŭ, nikarahuancaŭ i vieniesuelcaŭ2

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć6

Pahražajuć za Dzień Voli? Voś što treba rabić45

Tramp zajaviŭ pra stvareńnie amierykanskaha źniščalnika novaha pakaleńnia8

Staŭ viadomy žorstki prysud, vyniesieny žycharu Homiela za «zdradu dziaržavie»1

Kietony: što za rečyvy, jakija spyniajuć stareńnie mozhu i dapamahajuć schudnieć?1

Tramp raskazaŭ pra pieramovy pa «padziele terytoryj» Ukrainy24

Pamior znakamity kadebist-pierabiežčyk Aleh Hardzijeŭski10

Źjaviłasia spadarožnikavaje FOTA vynikaŭ ukrainskaj ataki na vajskovy aeradrom u rasijskim Enhielsie3

bolš čytanych navin
bolš łajkanych navin

Palicyja Dubaja: 20-hadovaja madel z Ukrainy ŭpała z vyšyni na budoŭli17

Palicyja Dubaja: 20-hadovaja madel z Ukrainy ŭpała z vyšyni na budoŭli

Hałoŭnaje
Usie naviny →

Zaŭvaha:

 

 

 

 

Zakryć Paviedamić