U Biełarusi ŭ Rejestr niebiaśpiečnaj pradukcyi Dziaržstandartu ŭnieśli dva miasnyja vyraby pryvatnaha pradpryjemstva «Miron» z ahraharadka Chomsk Drahičynskaha rajona. Pryčynaj stała vyjaŭleńnie ŭ pradukcyi niedapuščalnych mikrabijałahičnych pakazčykaŭ.
U «čorny śpis» trapiła syravendžanaja kaŭbasa vyšejšaha hatunku «Cieščyna kaŭbaska». Padčas pravierki ŭ joj znajšli załaty stafiłakok — bakteryju Staphylococcus aureus, najaŭnaść jakoj u takim abjomie nie dapuskajecca normami biaśpieki.
Taksama niebiaśpiečnaj pryznali syravendžanuju śvinuju «Palandvicu Panskuju». U hetym pradukcie śpiecyjalisty znajšli bakteryi hrupy kišačnaj pałački (kaliformy), a taksama toj ža samy załaty stafiłakok.
U suviazi z vyjaŭlenymi parušeńniami prodaž abodvuch miasnych vyrabaŭ na terytoryi Biełarusi zabaronieny z 13 červienia 2026 hoda.
Takija miery pryniatyja dla abarony spažyŭcoŭ, pakolki ŭžyvańnie praduktaŭ ź niebiaśpiečnymi mikraarhanizmami moža nanieści škodu zdaroŭju.
Kamientary