Biełaruski vieślar Uładzisłaŭ Kraviec staŭ u Partuhalii čempijonam Jeŭropy pa viesłavańni na bajdarkach i kanoe. Spartsmien zavajavaŭ załaty miedal u bajdarcy-adzinočcy na dystancyi 1000 mietraŭ.
U finalnym zajeździe biełarus pakazaŭ vydatny vynik — 3 chviliny 24,311 siekundy, što dazvoliła jamu ŭpeŭniena apiaredzić usich sapiernikaŭ i zaniać pieršaje miesca.
Srebranaje ŭznaharodžańnie atrymaŭ pradstaŭnik Vienhryi Balint Kopaš, a bronza dastałasia partuhalskamu spartsmienu Fiernandu Pimiencie.
Dla Uładzisłava Kraŭca heta ŭžo treci załaty miedal na čempijanatach Jeŭropy, ale ŭpieršyniu jon staŭ čempijonam kantynienta ŭ asabistaj dyscyplinie. Raniej biełaruski vieślar taksama dasiahaŭ vysokich vynikaŭ na najbujniejšych mižnarodnych spabornictvach i ŭvachodziŭ u lik pryzioraŭ čempijanatu śvietu.
Akramia zołata Kraŭca, biełarusy ŭžo zavajavali jašče dva miedali hetaha čempijanatu.
Alaksandr Zubok staŭ bronzavym pryzioram na 200‑mietroŭcy ŭ kanoe-adzinočcy, prajšoŭšy spryntarskuju dystancyju za 38,769 siekundy. Bronza taksama ŭ žanočaj kanoe-čaćviorki na 500 mietraŭ u składzie Marharyty Tkačovaj, Uładzisłavy Skryhanavaj, Iny Saŭčuk i Nadziei Kušnier.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1111
Kamientary
[Zredahavana]