Dniami ŭ mazyrskich pablikach źjaviłasia niezvyčajnaje videa. Na im mužčyna raskazaŭ pra leaparda, jaki bieskantrolna hulaje pa rajonie, paviedamlaje partał «Mazyr News».
U ahrasiadzibie «Panski sad», što ŭ vioscy Kaściukovičy na Mazyrščynie, zaviali niezvyčajnych źviaroŭ — adrazu troch leapardaŭ. Dla ich vydzielili valjery i jany tam spakojna hulali, ale dniami zdaryłasia niespadziavanka — adzin ź ich padčas karmleńnia źbieh. Ekzatyčnaja žyviolina chutka pryzvyčaiłasia da zimovaha klimatu i jaje ŭžo navat zaŭvažyli rybaki kala susiedniaj vioski Žachavičy.
Takuju historyju raskazaŭ aŭtar rolika ŭ instahramie, ale jana akazałasia całkam vydumanaj. Jak vyśvietliłasia, ciapier na terytoryi ahrasiadziby žyvioły sapraŭdy žyvuć, ale zusim nie takija niezvyčajnyja i pahroźlivyja: koń, aviečki, kozy, sabaki, a jašče jość fazan, indakački i dekaratyŭnyja kurački.
Videašerah z tymi valjerami, što pakazvalisia ŭ videa, byŭ niekali źniaty ŭ Hrodzienskim zaaparku, nasamreč u ahrasiadzibie takich niama.
Žartaŭnikom zaniałasia milicyja, supracoŭniki miascovaha RAUS chutka jaho adšukali. Miascovy žychar, jaki zapuściŭ fejk, nie zmoh uciamna rastłumačyć, navošta jon heta zrabiŭ, ale paprasiŭ prabačeńnia za stvoranyja «prablemy i niazručnaści». Miž tym za heta praduhledžanaja kryminalnaja adkaznaść pavodle artykuła 188 Kryminalnaha kodeksa z maksimalnym pakarańniem u vyhladzie pazbaŭleńnie voli na termin da troch hadoŭ.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1414
Kamientary