Biełarus Pavieł Juškievič znajšoŭ sposab paźbiehnuć departacyi z Polščy
Hramadzianin Biełarusi Pavieł Juškievič, jakomu anulavali pastajanny polski DNŽ z-za sakretnaha zaklučeńnia polskich śpiecsłužbaŭ, pavinien byŭ pakinuć Polšču da 4 lutaha. Ale kab paźbiehnuć departacyi, jon budzie padavać zajavu na mižnarodnuju abaronu, piša Most.
«Siońnia padajusia na mižnarodnuju abaronu, padali skarhu ŭ sud, — paviedamiŭ Juškievič 6 lutaha. — Pakul razhladajecca sprava ab abaronie, ja mahu znachodzicca ŭ Polščy, tamu spadziajusia, što ŭsio vyrašycca na sudzie i hety kašmar skončycca».
Razam z chadajnictvam ab nadańni mižnarodnaj abarony Pavieł płanuje padać zajavu ab dazvole na pracu. Jon vykładaje ŭ Univiersitecie Mikałaja Kapiernika ŭ Toruni i univiersitecie WSB Merito ŭ Bydhaščy.
Raniej u intervju vydańniu Gazeta Wyborcza Pavieł skazaŭ:
«Moj pracadaŭca pytajecca, ci płanavać dla mianie zaniatki. A ja paniaćcia nie maju, što adkazać. Ja chacieŭ by praciahvać pracavać i bieź jakich-niebudź chvalavańniaŭ viarnucca da zaniatkaŭ z maimi studentami».
Hramadzianin Biełarusi Pavieł Juškievič žyŭ u Polščy z 17 hadoŭ. U studzieni stała viadoma, što z-za sakretnaha zaklučeńnia Ahienctva ŭnutranaj biaśpieki (ABW) Polščy, vydadzienaha bolš za 10 hadoŭ tamu, Paŭła pazbavili dazvołu na žycharstva ŭ krainie. Ale za jaho zastupilisia vajavoda Kujaŭska-Pamorskaha vajavodstva, akademičnaja hramadskaść i biełarusy Polščy.
U Biełarusi dla Paŭła isnujuć ryzyki praz aktyŭnuju dziejnaść u padtrymku demakratyčnaha ruchu.
«Spravy viaducca dziasiatkami». Advakat-mižnarodnik raskazaŭ, čamu śpiecsłužby jeŭrapiejskich krain błakujuć hramadzianstva biełarusam
«Dali 30 dzion, kab sabrać rečy». Biełarusa mohuć departavać z Polščy paśla 21 hoda pražyvańnia ŭ joj
Biełarusu pahražaje departacyja praz sakretnaje zaklučeńnie polskich śpiecsłužbaŭ
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary