Беларус Павел Юшкевіч знайшоў спосаб пазбегнуць дэпартацыі з Польшчы
Грамадзянін Беларусі Павел Юшкевіч, якому анулявалі пастаянны польскі ДНЖ з-за сакрэтнага заключэння польскіх спецслужбаў, павінен быў пакінуць Польшчу да 4 лютага. Але каб пазбегнуць дэпартацыі, ён будзе падаваць заяву на міжнародную абарону, піша Most.
«Сёння падаюся на міжнародную абарону, падалі скаргу ў суд, — паведаміў Юшкевіч 6 лютага. — Пакуль разглядаецца справа аб абароне, я магу знаходзіцца ў Польшчы, таму спадзяюся, што ўсё вырашыцца на судзе і гэты кашмар скончыцца».
Разам з хадайніцтвам аб наданні міжнароднай абароны Павел плануе падаць заяву аб дазволе на працу. Ён выкладае ў Універсітэце Мікалая Каперніка ў Торуні і універсітэце WSB Merito ў Быдгашчы.
Раней у інтэрв'ю выданню Gazeta Wyborcza Павел сказаў:
«Мой працадаўца пытаецца, ці планаваць для мяне заняткі. А я паняцця не маю, што адказаць. Я хацеў бы працягваць працаваць і без якіх-небудзь хваляванняў вярнуцца да заняткаў з маімі студэнтамі».
Грамадзянін Беларусі Павел Юшкевіч жыў у Польшчы з 17 гадоў. У студзені стала вядома, што з-за сакрэтнага заключэння Агенцтва ўнутранай бяспекі (ABW) Польшчы, выдадзенага больш за 10 гадоў таму, Паўла пазбавілі дазволу на жыхарства ў краіне. Але за яго заступіліся ваявода Куяўска-Паморскага ваяводства, акадэмічная грамадскасць і беларусы Польшчы.
У Беларусі для Паўла існуюць рызыкі праз актыўную дзейнасць у падтрымку дэмакратычнага руху.
«Справы вядуцца дзясяткамі». Адвакат-міжнароднік расказаў, чаму спецслужбы еўрапейскіх краін блакуюць грамадзянства беларусам
«Далі 30 дзён, каб сабраць рэчы». Беларуса могуць дэпартаваць з Польшчы пасля 21 года пражывання ў ёй
Беларусу пагражае дэпартацыя праз сакрэтнае заключэнне польскіх спецслужбаў
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары