Z dyrektaram rybakansiervavaha kambinata «Staličny» zapisali pakajannaje videa
U telehram-kanale Minskaha harvykankama źjaviłasia videa, u jakim dyrektar TAA «Rybakansiervavy kambinat «Staličny» Andrej Błachin pryznaje prablemy na pradpryjemstvie i vinu ŭ ich kiraŭnictva, abiacajučy ŭ najbližejšy čas situacyju vypravić.
«My vypuskajem kansiervavuju pradukcyju, a mienavita šproty ŭ alei. Tak, utvaryłasia zapazyčanaść. My robim schod, kamunikujem ź ludźmi. Z kožnym zaraz praviadziom indyvidualnuju razmovu.
Kiraŭnictva arhanizacyi prynosić svaje prabačeńni rabotnikam za toje, što ŭtvaryłasia takaja situacyja z zatrymkaj zarobkaŭ. My prymajem usie miery, kab u najbližejšy čas pahasić zapazyčanaść u poŭnaj stupieni», — havoryć pradprymalnik na videa paśla narady pa hetym pytańni, jakaja prajšła ŭ administracyi Kastryčnickaha rajona.
Pierad hetym supracoŭniki kambinata «Staličny» zapisali zvarot da Alaksandra Łukašenki, dzie narakali, što piać miesiacaŭ nie atrymlivali zarobku, a z 8 studzienia naohuł znachodziacca ŭ prastoi. Situacyju ŭžo kamientavaŭ staršynia Kastryčnickaha rajona Minska Hienadź Lubatynski, jaki zapeŭniŭ, što «ŭ najbližejšy čas vyrašycca pytańnie, kab u poŭnaj miery vypłacić ludziam zaroblenyja hrošy». Pradstaŭnik Ministerstva pracy i sacyjalnaj abarony, u svaju čarhu, cisnuŭ na toje, što kiraŭnik hetaj arhanizacyi «nieadnarazova pryciahvaŭsia da administracyjnaj adkaznaści».
«Rybakansiervavy kambinat «Staličny» — pryvatnaje pradpryjemstva, jakoje z 2022 hoda aranduje vytvorčyja płoščy i abstalavańnie ŭ kamunalnaha pradpryjemstva AAT «Biełryba».
«Nieadnarazova pryciahvaŭsia da administracyjnaj adkaznaści». Situacyju na rybakansiervavym kambinacie prakamientavała i Minpracy
Minskija ŭłady zapeŭnivajuć, što trymajuć situacyju z zarobkami na rybakambinacie na kantroli
Rabotniki minskaha rybakansiervavaha kambinata nie atrymlivajuć piać miesiacaŭ zarobak. Jany zapisali zvarot da Łukašenki
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci48
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary
Ničieho oni nie pohasiat i im ničieho nie budiet!...