U Sankt-Pieciarburhu žančynu asudzili na 10 hadoŭ za padpał vajenkamata
Žančyna vinu pryznała i raskajałasia.
Pieršy Zachodni akruhovy vajenny sud pryhavaryŭ Žumahuł Kurbanavu da 10 hadoŭ kałonii ahulnaha režymu za ŭčynieńnie teraktu. Padsudnuju ŭziali pad vartu ŭ zale suda, piša «Nastojaŝieje vriemia»
Pieršapačatkova joj stavili ŭ vinu naŭmysnaje źniščeńnie abo paškodžańnie majomaści (č.2 art.167 KK).
Pa źviestkach suda, 1 žniŭnia 2023 hoda Kurbanava, vykarystoŭvajučy bienzin i alivu, ździejśniła padpał uvachodnych dźviarej vajskovaha kamisaryjata na Anhlijskim praśpiekcie ŭ Sankt-Pieciarburhu paśla čaho zrabiła videazvanok zakazčykam ź miesca padziej i syšła. Vajskovamu kamisaryjatu byŭ pryčynieny materyjalny ŭron na sumu 91 965 rubloŭ (kala 1000 dalaraŭ)
Za ździajśnieńnie złačynstva WhatsApp-zakazčyki abiacali Kurbanavaj 50 000 rubloŭ (kala 550 dalaraŭ).
Pres-słužba suda adznačaje, što sprava Kurbanavaj — «histaryčnaja».
Heta pieršaja sprava ŭ historyi, jakaja pastupiła pa artykule 205 KK Rasii ŭ Pieršy Zachodni akruhovy vajskovy sud paśla ŭniasieńnia adpaviednych źmien.
Kamientary