Termin dziejańnia paśviedčańniaŭ kiroŭcaŭ pavialičvajuć udvaja, da 20 hadoŭ
Alaksandr Łukašenka 16 lutaha padpisaŭ ukaz, zhodna ź jakim karektujecca praviadzieńnie bolš za 200 administracyjnych pracedur, paviedamiła pres-słužba palityka.
Najbolš važnaja źmiena — zhodna z hetym ukazam pavialičvajucca terminy dziejańnia paśviedčańnia kiroŭcy (z 10 da 20 hadoŭ) i dazvołu na dopusk da ŭdziełu ŭ darožnym ruchu aŭtamabilaŭ, z hoda vypusku jakich prajšło mienš za 3 hady (da 3 hadoŭ).
Akramia taho, pry vydačy dazvołu na dopusk transpartnaha srodku da ŭdziełu ŭ darožnym ruchu bolš nie patrabujucca vadzicielskaje paśviedčańnie i strachavoje paśviedčańnie.
Taksama niekatoryja spraščeńni ŭ paraŭnańni z raniejšaj praktykaj praduhledžanyja ŭ inšych śfierach, nie źviazanych z aŭtamabilnym transpartam.
Tak, pry rehistracyi damovy arendy žyłoha pamiaškańnia pryvatnaha žyllovaha fondu ciapier vyklučajecca nieabchodnaść pradstaŭleńnia asobnaha dakumienta, jaki paćviardžaje piśmovuju zhodu inšych ułaśnikaŭ (u vypadku, kali zdajecca žyłoje pamiaškańnie, jakoje znachodzicca ŭ ahulnaj ułasnaści, adpaviednyja adznaki robiacca na padavanaj zajavie).
Taksama dla zručnaści hramadzian abjadnoŭvajecca ŭ adnu praceduru vydača niekalkich daviedak ab zajmanym u nasielenym punkcie žyłym pamiaškańni, miescy žycharstva i składzie siamji.
Akramia taho, pamianšajucca terminy vydačy daviedak ab znachodžańni ŭ adpačynku pa dohladzie za dziciem da dasiahnieńnia im trochhadovaha ŭzrostu (z 5 da 3 pracoŭnych dzion) i rehistracyi transpartnych srodkaŭ u DAI (z 10 da 7 pracoŭnych dzion).
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary