Kijeŭ padrychtuje płan viadzieńnia bajavych dziejańniaŭ na bližejšy pieryjad.
Kijeŭ padrychtuje płan viadzieńnia bajavych dziejańniaŭ na bližejšy pieryjad, ale źbirajecca dačakacca vynikaŭ vybaraŭ prezidenta ZŠA, jakija stanuć «pierałomnym momantam» u vajnie z Rasijaj, zajaviŭ prezident Ukrainy Uładzimir Zialenski. «Z hetaha momantu (vybaraŭ u ZŠA) my budziem razumieć, što adbudziecca», — skazaŭ Zialenski na pres-kanfierencyi ŭ Kijevie.
Da hetaha ŭkrainski lidar abvierhnuŭ zamarozku vajennaha kanfliktu z Rasijaj i mahčymaść padpisańnia novych pahadnieńniaŭ, jakija buduć padobnyja da minskich. Pavodle jaho słoŭ, u Kijeva byŭ zamarožany kanflikt z 2014 hoda i jon bolš nie vieryć u takoha kštałtu ŭrehulavańnie, pakolki pytańnie «nie tolki ŭ terytoryi, ale i ŭ biaśpiecy» Ukrainy.
Tym časam były prezident ZŠA Donald Tramp, jaki źbirajecca ŭdzielničać u vybarach kiraŭnika dziaržavy, płanuje ŭ vypadku pieramohi prymusić Ukrainu da mirnych pieramovaŭ z Rasiejaj, raspaviadali Bloomberg daśviedčanyja krynicy.
Pa ich słovach, kamanda Trampa abmiarkoŭvaje mahčymaść praviadzieńnia mirnaha samitu z udziełam prezidentaŭ Rasii i Ukrainy Uładzimira Pucina i Uładzimira Zialenskaha adrazu paśla pieramohi na vybarach. Dla prymusu Kijeva Tramp moža pryhrazić skaracić vajennuju padtrymku, a Pucinu, naadvarot, skaža ab pavieličeńni dapamohi Ukrainie.
Łatuška abviarhaje abvinavačańni ŭ charasmencie ad delehatki KR Karpušonak83
Łatuška abviarhaje abvinavačańni ŭ charasmencie ad delehatki KR Karpušonak
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary