Dachody Biełarusi ad ekspartu kaliju ŭ Kitaj źmienšylisia ŭdvaja
Hałoŭnaje mytnaje ŭpraŭleńnie Kitaja apublikavała danyja pa imparcie kalijnych uhnajeńniaŭ za studzień — luty 2024 hoda. Vydańnie Myfin.by paraŭnała, jakija pazicyi na kitajskim rynku ciapier zajmajuć Biełaruś i inšyja krainy. Vyjaviłasia, što ŭ paraŭnańni z anałahičnym pieryjadam minułaha hoda biełaruski ekspart kaliju ŭ Kitaj źmienšyŭsia ŭdvaja.
Pa papiarednich danych kitajskaha boku, u studzieni — lutym 2024 hoda sukupny abjom impartu KNR pa tavarnaj pazicyi «ŭhnajeńni minieralnyja abo chimičnyja, kalijnyja» skłaŭ $853,6 młn. U minułym hodzie było bolš, ale nie našmat — $895,3 młn.
U pačatku 2024 hoda najbolšy abjom zakupak kaliju (u hrašovym vyražeńni) Kitaj zrabiŭ z Rasii — $286,9 młn. Impart z Kanady skłaŭ $241,2 młn, a ź Biełarusi — $141,9 młn.
Takim čynam, Biełaruś ź pieršaha miesca pastaŭščykoŭ kaliju ŭ Kitaj, na jakim była ŭ pačatku minułaha hoda, pieramiaściłasia znoŭ na treciaje, na jakim była i ŭ 2022 hodzie.
Hałoŭnaje ž — što hrošaj ad hetych pastavak atrymałasia praktyčna ŭ pałovu mienš — za pieršyja dva miesiacy 2023 hoda Biełaruś pastaviła ŭ Kitaj kalijnych uhnajeńniaŭ na $281,8 młn.
Za ŭvieś 2023 hod Kitajskaja Narodnaja Respublika impartavała kalijnych uhnajeńniaŭ na $4,75 młrd. Najbolšy abjom zakupak (pa canie) prypadaŭ na Biełaruś: kala $1,46 młrd. Ahulny letašni kitajski impart kaliju z Rasii letaś skłaŭ $1,13 młrd, z Kanady — $803,1 młn, z Łaosa — $630,1 młn, ź Iardanii — $333,7 młn, ź Izraila — $313,0 młn.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary