12 vieraśnia, kali Minsk budzie adznačać Dzień horada, staličnaja Dziaržaŭtainśpiekcyja budzie pracavać va ŭzmocnienym režymie. U centry horada mahčymyja abmiežavańni ruchu, a kala Pałaca sportu i ŭ Vierchnim horadzie zabaroniać spynieńnie i stajanku aŭtamabilaŭ. Pra heta paviedamiŭ načalnik UDAI HUUS Minharvykankama Siarhiej Babič.
Z 8:00 da 18:00, u zaležnaści ad darožnaj situacyi, mohuć časova abmiažoŭvać ruch transpartu, za vyklučeńniem hramadskaha. Havorka idzie pra padjom z vulicy Maksima Bahdanoviča na praśpiekt Pieramožcaŭ i spusk z praśpiekta Pieramožcaŭ na vulicu Maksima Bahdanoviča.
Z 18:00 i da zakančeńnia śviatočnych mierapryjemstvaŭ ruch usich vidaŭ transpartu abmiažujuć:
- pa padjomie z vulicy Maksima Bahdanoviča na praśpiekt Pieramožcaŭ;
- pa spusku z praśpiekta Pieramožcaŭ na vulicu Maksima Bahdanoviča;
- pa praśpiekcie Pieramožcaŭ na ŭčastku ad vulicy Internacyjanalnaj da vulicy Mielnikajcie.
Akramia taho, u rajonie Pałaca sportu i na terytoryi Vierchniaha horada ŭviaduć abmiežavańni na spynieńnie i stajanku aŭtamabilaŭ.
Jašče adno abmiežavańnie zakranie hramadski transpart. Z 7:00 12 vieraśnia na prypynku «Pałac sportu», jaki znachodzicca kala śviatočnaj placoŭki, pasadka i vysadka pasažyraŭ rabicca nie buduć.
DAI papiaredžvaje, što padčas śviatočnych fiejervierkaŭ asobnyja ŭčastki daroh taksama mohuć časova pierakryvać. Mahčymyja abmiežavańni na ruch, spynieńnie i stajanku transpartu kala miescaŭ zapusku fiejervierkaŭ.
U Dzień horada inśpiektary buduć pracavać va ŭzmocnienym režymie i sačyć za darožnym rucham kala asnoŭnych śviatočnych placovak.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary