Palčyk suprać Palčyka. Nastaŭnika fizkultury asudzili za «abraźlivy» kamientar
Stała viadoma, što ŭ sudzie Maskoŭskaha rajona Minska 15 sakavika 2024 hoda pavodle art. 369 (abraza pradstaŭnika ŭłady) asudzili nastaŭnika fizkultury škoły ŭ Krupkach Jaŭhiena Palčyka, piša «Viasna».
Sud Maskoŭskaha rajona Minska. Ilustracyjnaje fota.
Sudździa Natalla Varaksa pastanaviła asudzić mužčynu na paŭtara hoda abmiežavańnia voli biez nakiravańnia ŭ PUAT («chatniaj chimii»).
Akramia taho, Jaŭhien Palčyk musić vypłacić štraf u pamiery 100 bazavych vieličyń (4000 rubloŭ). Taksama mužčynu abaviazali kampiensavać maralnuju škodu paciarpiełamu ŭ pamiery 1000 rubloŭ i dziaržpošlinu — 120 rubloŭ. Urešcie, u jaho prymusova zabrali telefon, jaki nibyta źjaŭlajecca rečavym dokazam «złačynstva».
Da suda Jaŭhien znachodziŭsia pad vartaj: jaho vyzvalili paśla abviaščeńnia prysudu.
Mužčynu pryznali vinavatym u tym, što jon pakinuŭ kamientar u Telegram, jaki nibyta ŭtrymlivaŭ «niehatyŭnuju acenku pradstaŭnika ŭłady» — byłoha načalnika papraŭčaj kałonii №1 u Navapołacku Andreja Palčyka.
Jaŭhien Palčyk pryznaŭ svaju vinu. Jon raskazaŭ, što znachodziŭsia doma, kali raźmiaściŭ pad fotazdymkam Andreja Palčyka źnievažalny kamientar. Mužčyna patłumačyŭ, što pakinuŭ kamientar, bo pad fota było napisana, što były načalnik kałonii złoŭžyvaje paŭnamoctvami. Adnak paśla jon skazaŭ, što zapisaŭ videazvarot, u jakim vybačyŭsia pierad «paciarpiełym».
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary