Udzielniku pratestaŭ u Baranavičach dali 25 hadoŭ asobaha režymu. Ale jość niuans
Padčas apošniaha kanviejernaha suda nad udzielnikami pratestaŭ u Baranavičach, adnamu z padsudnych dali niečakany prysud — 25 hadoŭ kałonii asobaha režymu. Voś što adbyłosia.
Asudžanaha zvać Alaksandr Lavončyk. My znajšli tolki adnaho žychara Baranavičaŭ z takimi źviestkami. Jamu 41 hod. Viadoma, što mužčyna doŭhi čas pracavaŭ majstram pa dachach u Rasii. Taksama ŭ Lavončyka jość niepaŭnaletniaje dzicia.
U Lavončyka ŭžo było 11 sudzimaściaŭ, u tym liku za zabojstva. Nieviadoma, dzie jon jaho ździejśniŭ — u śpisie pastanaŭleńniaŭ sudoŭ my nie znajšli jahonaj spravy.
Zhodna ź infarmacyjaj z sajta Viarchoŭnaha suda, Lavončyk z 10 pa 11 žniŭnia 2020 udzielničaŭ u pratestach u Baranavičach, hučna vykrykvaŭ łozunhi, demanstravaŭ biełaruskuju nacyjanalnuju simvoliku, čym «hruba parušyŭ hramadski paradak».
Jaho nie zatrymlivali za ŭdzieł u demanstracyjach, ale ŭ kancy 2021 asudzili za novaje zabojstva, ździejśnienaje z asablivaj žorstkaściu. Lavončyk atrymaŭ za heta 23 hady.
Ciapier siłaviki identyfikavali jaho jak udzielnika pratestaŭ. Na novym pracesie Lavončyku prysudzili jašče 3 hady źniavoleńnia. Ale z ulikam častkovaha pahłynańnia terminaŭ atrymałasia 25 hadoŭ asobaha režymu.
Adbyvać pakarańnie Lavončyk budzie ŭ kałonii №13 u Hłybokim. Heta adzinaja kałonija asobaha režymu ŭ Biełarusi. Tam adbyvajuć pakarańnie try čałavieki, asudžanyja pa čysta palityčnych artykułach — Mikałaj Statkievič, rejkavy partyzan Vital Mielnik i Jarasłaŭ Sakovič, jakoha asudzili za pieradaču źviestak USU na 11 hadoŭ kałonii.
«Naša Niva» — bastyjon biełaruščyny
PADTRYMAĆStali viadomyja prysudy 8 z 17 čałaviek, jakich učora sudzili ŭ Baranavičach za pratesty 2020 hoda
67-hadovaja biełaruska viarnułasia sa Šviecyi. Ciapier joj pahražaje da dziesiaci hadoŭ turmy
Što za bieraściejec, jakoha KDB vystaŭlaje ŭkrainskim dyviersantam? U sacsietkach jon adept «ruskaha śvietu» i prychilnik Rasii ŭ vajnie
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie18
Kamientary
Udzielniku pratestaŭ u Baranavičach dali 25 hadoŭ asablivaha režyma. Za što?
https://dck8xvlq18iei.cloudfront.net/339813Zahałovak -- top, asabliva ŭ časy represij i strachu. Z parasia ŭ karasia. Vyšejšy piłataž, Naša Niva, trymajecie płanku (nie)
U artykule čałaviek ździejśniŭ zabojstva, a vy tak padkreślena adznačyli jak pratestoŭca suprać režymu ŭ 2020.
Takija artykuły pišuć łukašysty, ale nijak nie niezaležnyja vydańni. Nie padyhryvajcie łukašystam u brudnaj prapahandzie suprać pratestaŭ 2020, kali režym zajaŭlaŭ što na pratesty nibyta vychodzili adny pjanicy i narkamany