Dźmitryja Machava zatrymali za avatarku va «Ukantakcie» z BČB-ściaham. Na sudzie nacyjanalny biełaruski ściah identyfikavali jak ściah Pałka Kalinoŭskaha i źviazali ź Lehijonam «Svaboda Rasii», piša SOTA.
Pavodle materyjałaŭ spravy, jakija začytała sudździa, Machaŭ «11 žniŭnia publična ŭ adkrytym dostupie raźmiaściŭ infarmacyjny materyjał u vyhladzie malunka bieł-čyrvona-biełaha ściaha, jaki zjaŭlajecca simvolikaj uzbrojenaha farmavańnia Połk imia Kastusia Kalinoŭskaha, jaki zjaŭlajecca adhalinavańniem na terytoryi Respubliki Biełaruś ukrainskaha vajskovaha farmavańnia Lehijon «Svaboda Rasii», uniesienaha ŭ śpis terarystyčnych arhanizacyj», — začytała sudździa.
Mužčyna patłumačyŭ, što avatarku jon vykłaŭ u 2020 hodzie. «A arhanizacyja była pryznanaja ekstremisckaj u 2023. Jak ja pavinien byŭ heta pradbačyć?» — aburajecca jon.
Machava aštrafavali na 2 tysiačy rasijskich rubloŭ (kala 70 biełaruskich rubloŭ) pa artykule ab «demanstracyi ekstremisckaj simvoliki».
Mužčynu zatrymali la padjezda jaho doma 2 krasavika, kali jon hulaŭ z sabakam.
Raniej nie było viadoma pra spravy ŭ Rasii za nacyjanalnuju biełaruskuju simvoliku.
U lutym pasoł Biełarusi ŭ Maskvie Dźmitryj Kruty anansavaŭ stvareńnie abjadnanaha rejestra terarystaŭ i ekstremistaŭ dla Rasii i Biełarusi.
Z sajta maskoŭskaj Vyšejšaj škoły ekanomiki źnikła staronka palitołaha Suzdalcava. Imavierna, praź pieraśled biełaruskimi ŭładami
«Nie baču siabie ŭ Biełarusi. Nienarmalna žyć u minułym». Były supracoŭnik Symbal.by ahałomšyŭ pryznańniem
Što za novaja žurnalistka STB skakała kala jeŭrapiejskich dypłamataŭ? Heta dačka kachanki Kiryła Kazakova
Ciapier čytajuć
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!3
Kamientary