U Mastoŭskim rajonie DTZ z maršrutkaj. Dzieviać čałaviek trapili ŭ balnicu
Adbyłosia sutyknieńnie z traktaram.
Ciońnia ranicaj 41-hadovy kiroŭca maršrutki Mercedes Brest — Hrodna na zakruhleńni darohi pablizu vioski Žyličy rabiŭ abhon.
Jon vyjechaŭ na pałasu sustrečnaha ruchu, dzie sutyknuŭsia z traktaram, jaki pavaročvaŭ naleva, paviedamlaje SK.
Na miesca zdareńnia vyjechali čatyry bryhady chutkaj dapamohi: dźvie fielčarskija i dźvie doktarskija z Hrodna i Mastoŭ.
U vyniku DTZ paciarpieli 10 čałaviek, ź ich dvoje dziaciej-padletkaŭ. Usie jany ahledžany miedykami i atrymali nieabchodnuju dapamohu na miescy. Dzieviać čałaviek z roznymi traŭmami dastaŭleny ŭ lačebnyja ŭstanovy Hrodna (univiersiteckuju kliniku, dziciačuju kliničnuju balnicu i BCHMD), Mastoŭskuju CRB.
Paciarpiełyja atrymali zakrytyja čerapna-mazhavyja traŭmy, pierałomy kaniečnaściej, nosa, a taksama ŭdary.
U stacyjanarach praciahvajecca akazańnie nieabchodnaj miedycynskaj dapamohi. Stan usich pacyjentaŭ rasceńvajecca jak stabilny, paviedamlaje Minzdaroŭja.
Śledčyja źviartajucca da vidavočcaŭ DTZ z prośbaj paviedamić najaŭnuju infarmacyju pa telefonach: (8-015-15) 3-78-34 i (8033) 370-43-18.
Cichanoŭski raskazaŭ, što treba było rabić u žniŭni 2020-ha63
Kamientary