U siecivie źjaviłasia videa, na jakim zafiksavany momant abrynańnia mosta, jaki pralahaŭ cieraz čyhunačnyja kalainy ŭ Viaźmie na Smalenščynie. Na im akurat znachodzilisia hruzavik i lehkavaja mašyna, jakija razam z mostam upali ŭniz.
Videa zroblena videarehistrataram mašyny, jakaja akurat jechała na most. Na kadrach ź videarehistratara vidać, što na most nieŭzabavie pavinien byŭ zajechać maršrutny aŭtobus z pasažyrami.
U vyniku zdareńnia, pavodle najnoŭšych źviestkach, paciarpieli šeść čałaviek, piaciora ź ich, u tym liku adno dzicia, špitalizavanyja. Zahinuła adna žančyna, jana znachodziłasia ŭ lehkavoj mašynie. Paciarpieły kiroŭca hruzavoha aŭtamabila — u ciažkim stanie.
Pavodle źviestak telehram-kanała Mash, zahinułaja žančyna jechała zabirać svajo dzicia ź dziciačaha sadka, a jaje muž ciapier vajuje suprać Ukrainy.
Puciepravod abrynuŭsia na čyhunačnyja šlachi. Ruch ciahnikoŭ tam prypynieny. U momant zdareńnia na ŭčastku ciahnikoŭ nie było, ciapier tam prachodziać raboty pa rasčystcy šlachoŭ. Pierahon, na jakim adbyłosia zdareńnie, źjaŭlajecca častkaj čyhunki Minsk-Maskva, pa im pamiž Rasijaj i Biełaruśsiu mohuć pieravozicca ŭ tym liku i hruzy vajskovaha pryznačeńnia.
Taksama z-za avaryi paškodžanyja sistemy hazazabieśpiačeńnia, u vyniku čaho biez hazu zastalisia 69 jurydyčnych asob, 5 kacielniaŭ i kala 8,8 tys. miascovych žycharoŭ.
Pa fakcie abvalvańnia puciepravoda rasijski Śledčy kamitet zavioŭ kryminalnuju spravu.
Miascovaje vydańnie «Važnoje v Smolenskie» paviedamlaje, što «miascovyja žychary hadami nazirali za razbureńniem mosta».
Čytajcie taksama:
Na Smalenščynie pavaliŭsia most, zabłakavany ruch ciahnikoŭ ź Biełarusi
Na Bałtycy hareŭ rasijski rakietny karabiel — HUR Ukrainy
Žychary zatoplenaha Orska vyjšli na mitynh z łozunham «Pucin, pamažy!»
Mer rasijskaha Arenburha zaklikaŭ terminova pakinuć damy z-za niebiaśpiečnaha ŭzroŭniu vady
Kamientary