Łukašenka nazvaŭ 2023 hod «amal pravalnym» u sielskaj haspadarcy
Biełaruskija ahraryi letaś niedabrali bolš za 1 miljon ton zbožža ŭradžaju. Alaksandr Łukašenka siońnia pravodzić naradu pa sielskaj haspadarcy.
Havoračy ab raślinavodstvie, Łukašenka kanstatavaŭ, što vynik minułaha hoda amal pravalny: uzrovień 2022 hoda ŭtrymać nie ŭdałosia.
Pavodle jaho słoŭ, sialanie nie dabrali bolš za 1 miljon ton zbožža, 63 tysiačy ton aharodniny, 10 tysiač ton ilnovałakna.
Amal kožnaja treciaja sielhasarhanizacyja atrymała ŭradžajnaść nižej za 20 centnieraŭ z hiektara.
Łukašenka skazaŭ, što va ŭradzie va ŭsim vinavaciać umovy nadvorja.
«Adnak treba prama skazać, pytańnie nie tolki ŭ nadvorji», — upeŭnieny Łukašenka.
Pavodle jaho słoŭ, za apošnija hady na 25 pracentaŭ pavialičylisia płoščy, adviedzienyja pad pšanicu, ale pałova ź ich nieprydatnaja dla hetaj kultury. Heta datyčycca ŭschodnich i paŭnočnych rehijonaŭ.
«Pry hetym śpiecyjalisty paličyli, što štohadovyja straty zbožža ad takich ahranamičnych pryjomaŭ składajuć nie mienš jak 450-500 tysiač ton», — skazaŭ jon.
Łukašenka miarkuje, što pry naležnaj dyscyplinie, vykarystańni vysokapradukcyjnych sartoŭ raślin i parod žyvioł, isnujučych technałohijach i siońnia možna pracavać u paŭtara i navat u dva razy bolš efiektyŭna.
«Zadačy na 2024 hod bolš ambicyjnyja za ŭčarašnija vyniki. Treba vyrablać kala 10 miljonaŭ ton zbožža, 5 miljonaŭ ton cukrovych burakoŭ i bolš za miljon ton rapsu ŭ hod», — pastaviŭ zadaču jon.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč37
Kamientary