Łukašenka prapanavaŭ zakryvać kadravyja prahały piensijanierami
9 krasavika na naradzie pa raźvićci pramysłovaści ŭ Pałacy respubliki Alaksandr Łukašenka vykazaŭsia na temu deficytu kadraŭ u pramysłovaj halinie. I prapanavaŭ vyrašyć prablemu, viarnuŭšy na pracu častku piensijanieraŭ.
Pavodle słoŭ Łukašenki, z 27 tys. vakansij u apracoŭčaj pramysłovaści 85% (23 tys.) prypadaje na rabočyja śpiecyjalnaści. Bolš za ŭsio ŭ halinie nie chapaje ślesaraŭ, kiroŭcaŭ, stanočnikaŭ i zvarščykaŭ, a voś administracyjna-kiraŭničy piersanał, na dumku Łukašenki, «jaŭna razdźmuty».
«Na MTZ tolki markietynhavaja słužba 100 čałaviek. A paŭhadavy zapas na składach dziavać niama kudy», — kanstatavaŭ jon.
Uvohule ž kadravy deficyt Łukašenka nazvaŭ «pavalnym», a dla vyrašeńnia hetaj prablemy prapanuje pryciahnuć «niavykarystanyja reziervy».
«Moža być, uradu pryjšoŭ čas padumać pra pryciahnieńnie tych, chto syšoŭ — tych ža piensijanieraŭ. Siarod ich jość šmat aktyŭnych, achvotnych pracavać ludziej. Niachaj nie rvaniem na 30 tys. čałaviek, ale my znojdziem niekalki tysiač patryjatyčna nastrojenych ludziej, jakich možam paklikać na vytvorčaść. Jany z zadavalnieńniem pryjduć i buduć pracavać i vialikuju karyść prynosić jašče jak nastaŭniki. Treba vyrašyć, jak ich zacikavić, u tym liku i materyjalna», — znajšoŭ jon nietryvijalny vychad ź situacyi.
Zrešty, jon usio ž taki razumieje, što na adnych piensijanierach daloka nie zajedzieš:
«Ekśpierty papiaredžvajuć, što rastuć ryzyki straty kampietencyj u halinie kanstrujavańnia i raspracoŭki novych vidaŭ pradukcyi. Čamu? Tamu što na bolšaści pradpryjemstvaŭ u adździełach kanstruktaraŭ i raspracovak mała maładych śpiecyjalistaŭ. A heta ŭžo pytańnie nie tolki da Minprama, ale i da Minadukacyi».
Čytajcie taksama:
Łukašenka pryznaŭ, što biełaruskaja pradukcyja sastupaje rasijskaj pa jakaści i canie
Ekanamist Kruk: Da 90% biełaruskaha ekspartu zaviazana na Rasii
Kolki biełaruskich firmaŭ i ich rabotnikaŭ rełakavałasia ŭ Litvu?
Kamientary
https://dck8xvlq18iei.cloudfront.net/340020