Stała viadoma, z-za čyjho danosu apynułasia za kratami 75-hadovaja babrujčanka
Pravaabaroncy z Mayday Team vyjavili ŭ bazie zvarotaŭ u KDB, zdabytaj «Kibierpartyzanami», paviedamleńnie ad 4 śniežnia 2021 hoda. U im žychar Maskvy Siarhiej Vasiljevič Sautkin paprasiŭ čekistaŭ «źviarnuć uvahu na parušeńnie» žycharkaj Babrujska Natallaj Taran «zakona ab raspalvańni rasavaj, nacyjanalnaj, relihijnaj albo inšaj sacyjalnaj varožaści».
Padstavaj dla danosu pasłužyli nibyta kamientary Natalli Taran pad publikacyjami žurnalista Arkadzia Babčanki:
«Jana pieryjadyčna raźmiaščaje svaje vodhuki adpaviednaha supraćzakonnaha źmiestu na padryŭnyja publikacyi Arkadzia Babčanki, u dačynieńni da jakoha ŭ RF raspačaty kryminalny pieraśled za terarystyčnuju dziejnaść», — zajaviŭ Sautkin.
Siłaviki pryjšli da Natalli Taran praź niekalki dzion i zatrymali jaje. Na 74-hadovuju (na toj momant) žančynu raspačali kryminalnuju spravu — praŭda, nie za «raspalvańnie varožaści», a za «paklop na Alaksandra Łukašenku» (art. 367 KK RB), «abrazu Alaksandra Łukašenki» (art. 368 KK RB), i «abrazu słužbovaj asoby pry vykanańni» (art. 369 KK RB).
Da suda Natallu Taran pakinuli pad padpiskaj ab niavyjeździe. 8 žniŭnia 2022 hoda sud Babrujskaha rajona i horada Babrujska pryznaŭ jaje vinavataj pa ŭsich artykułach i prysudziŭ žančynu da 3 hadoŭ i 6 miesiacaŭ pazbaŭleńnia voli. Padrabiaznaściaŭ spravy niama — praces prachodziŭ u zakrytym režymie.
U listapadzie 2022 hoda Mahiloŭski abłasny sud prysud pakinuŭ u sile. Ciapier Natalla Taran adbyvaje svoj termin u Homielskaj kałonii № 4. Pravaabarončaj supolnaściu Biełarusi jana pryznanaja palityčnaj źniavolenaj.
Samyja pažyłyja palitviaźni — chto jany i za što ich aryštavali
«Ja nie danosiŭ, my ž siabrujem». Jak apraŭdvajucca vykrytyja stukačy
Biełarusy napisali 40 tysiač danosaŭ? Nie, heta niepraŭdzivaje śćvierdžańnie
Supracoŭnica Centralnaha RUUS Minska napisała danos na načalnika. A jaho ŭziali i pavysili
«Łukašenka i Šunievič zasłuhoŭvajuć śmiarotnaha pakarańnia». Pra što nasamreč pisała «Frau A» ŭ KDB?
Bondarava stukała ŭ KDB na Varanicu z «Biełaj Rusi»
«Davydźka, Ernst i Cichanoŭski — heta adzin čałaviek u roznych hrymach». Dziŭnyja danosy, jakija dasyłali ŭ KDB
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary