Стала вядома, з-за чыйго даносу апынулася за кратамі 75-гадовая бабруйчанка
Праваабаронцы з Mayday Team выявілі ў базе зваротаў у КДБ, здабытай «Кіберпартызанамі», паведамленне ад 4 снежня 2021 года. У ім жыхар Масквы Сяргей Васільевіч Сауткін папрасіў чэкістаў «звярнуць увагу на парушэнне» жыхаркай Бабруйска Наталляй Таран «закона аб распальванні расавай, нацыянальнай, рэлігійнай альбо іншай сацыяльнай варожасці».
Падставай для даносу паслужылі нібыта каментары Наталлі Таран пад публікацыямі журналіста Аркадзя Бабчанкі:
«Яна перыядычна размяшчае свае водгукі адпаведнага супрацьзаконнага зместу на падрыўныя публікацыі Аркадзя Бабчанкі, у дачыненні да якога ў РФ распачаты крымінальны пераслед за тэрарыстычную дзейнасць», — заявіў Сауткін.
Сілавікі прыйшлі да Наталлі Таран праз некалькі дзён і затрымалі яе. На 74-гадовую (на той момант) жанчыну распачалі крымінальную справу — праўда, не за «распальванне варожасці», а за «паклёп на Аляксандра Лукашэнку» (арт. 367 КК РБ), «абразу Аляксандра Лукашэнкі» (арт. 368 КК РБ), і «абразу службовай асобы пры выкананні» (арт. 369 КК РБ).
Да суда Наталлю Таран пакінулі пад падпіскай аб нявыездзе. 8 жніўня 2022 года суд Бабруйскага раёна і горада Бабруйска прызнаў яе вінаватай па ўсіх артыкулах і прысудзіў жанчыну да 3 гадоў і 6 месяцаў пазбаўлення волі. Падрабязнасцяў справы няма — працэс праходзіў у закрытым рэжыме.
У лістападзе 2022 года Магілёўскі абласны суд прысуд пакінуў у сіле. Цяпер Наталля Таран адбывае свой тэрмін у Гомельскай калоніі № 4. Праваабарончай супольнасцю Беларусі яна прызнаная палітычнай зняволенай.
Самыя пажылыя палітвязні — хто яны і за што іх арыштавалі
«Я не даносіў, мы ж сябруем». Як апраўдваюцца выкрытыя стукачы
Беларусы напісалі 40 тысяч даносаў? Не, гэта непраўдзівае сцверджанне
Супрацоўніца Цэнтральнага РУУС Мінска напісала данос на начальніка. А яго ўзялі і павысілі
«Лукашэнка і Шуневіч заслугоўваюць смяротнага пакарання». Пра што насамрэч пісала «Фрау А» ў КДБ?
Бондарава стукала ў КДБ на Вараніцу з «Белай Русі»
«Давыдзька, Эрнст і Ціханоўскі — гэта адзін чалавек у розных грымах». Дзіўныя даносы, якія дасылалі ў КДБ
Цяпер чытаюць
«Дзве Беларусі. Абедзве едуць на аўтобусах МАЗ. Адзін народ — такі розны лёс»2
Каментары