Čaćviortakłaśnik u Viciebsku «prakačaŭsia» ŭ anłajn-hulni, skraŭšy hrošy ŭ nastaŭnicy
Čaćviortakłaśnik adnoj sa škoł Viciebska vyrašyŭ pavysić svoj rejtynh u anłajn-hulni — i abraŭ dla hetaha kryminalny mietad. Jak na toje, nastaŭnica jakraz zabyłasia ŭ kłasie kartku.
Nastaŭnica pačatkovych kłasaŭ paśla ŭroka śpiašałasia na naradu i zabyłasia ŭ kłasie asabistyja rečy. Siarod ich była bankaŭskaja kartka. Nieŭzabavie płastyk piedahohu pryniesła kaleha, i historyja zabyłasia, piša vydańnie «Vićbičy».
Ale praź niekatory čas nastaŭnica vyrašyła pamianiać kartku i vyjaviła, što z rachunku źnikli 900 rubloŭ. Spačatku žančyna zapadozryła ŭ kradziažy supracoŭnikaŭ banka — i napisała na ich zajavu ŭ milicyju.
Akazałasia, što rabotniki banka ni pry čym. Hrošy z kartki vyvieŭ čaćviortakłaśnik toj ža škoły. Jon ubačyŭ zabyty nastaŭnicaj płastyk i sfatahrafavaŭ jaho. A zatym vykarystaŭ danyja dla papaŭnieńnia svajho rachunku ŭ anłajn-hulni.
Baćkam chłopčyka ciapier pryjdziecca viarnuć nastaŭnicy hrošy. U milicyi adznačyli, što piedahoh nie padklučyła pasłuhu 3D-Secure — kali b abarona pracavała, to školnik nie zmoh by vykraści hrošy z kartki.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii15
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary