Pra namier Alaksandra Łukašenki prysutničać na paradzie Pieramohi 9 maja ŭ Maskvie paviedamiŭ u intervju «RIA Novosti» ministr zamiežnych spraŭ Siarhiej Alejnik.
«Pakul u płanach — tak», — skazaŭ jon, adkazvajučy na pytańnie, ci zastajecca Łukašenka na parad paśla ŭdziełu ŭ samicie JEAES 8 maja.
Pry hetym Alejnik adznačyŭ, što ŭ Biełarusi na 9 maja taksama pryznačanyja mierapryjemstvy.
U minułym hodzie Łukašenka musiŭ jechać na hety parad u situacyi, kali ŭ jaho značna pahoršyłasia zdaroŭje. Jon vyhladaŭ na trybunie vielmi kiepska, a paśla nie zdoleŭ razam z Pucinym i kiraŭnikami niekatorych krain SND prajści 300 mietraŭ da miesca ŭskładańnia kvietak da mahiły Nieviadomaha sałdata. Uviečary ŭ Minsku jon choć i prysutničaŭ na mierapryjemstvie, što adbyłosia na płoščy Pieramohi, ale nie zmoh na im vystupić, pieradaručyŭšy hetuju rolu ministru abarony Viktaru Chreninu.
Raniej stała viadoma, što Uładzimir Pucin 9 maja praviadzie pieramovy z zaprošanymi na parad prezidentami Kuby, Łaosa, Hviniei-Bisau. Pra heta raskazaŭ žurnalistam pamočnik prezidenta Rasii Juryj Ušakoŭ.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Oj, chutka čytaŭ, bo vanituje ad navinaŭ pra Łukašenku.
Pračytaŭ: jon vyhladaŭ na trunie vielmi kiepska, a paśla nie zdoch.
podpiś - Marina V.